Joel 2:2 - La'qaatqa ñi qota'olec Qota'olec & Qota'olec Novita Na Qomyipi

² Cajo na'xa'a chalego ma'le ca napalaxa; cajo na'xa'a naueguelquetañi chaqai la'alchiguiñi. Ana piñai 'ec na 'xoic nouaataxanaq nalauataxai quelec neuagaxajlec ana qa' ladocai, 'ec na lauaq quena' richiguiñi. Se ỹauanapega qaiuana dajo, chaqai qaica ma' qaiuana quet cá'maq 'nejem dajo.

Joel 2:2 Iomraidhean Croise

Éxodo 10:14

Ca' ỹaatqajam no'qajlec nqai'en yá'ogue yi 'laua Egipto cana piñai. Se ỹauanapego' quen 'ue chaqai qaca liỹa na'le 'nejem sojo na'xa'a mashic ỹapaguelec aso piñai.

Éxodo 10:6

Ca no'xataxachigui ma'le na qauochi', chaqai na lauo' na rotaua'e'ipi, chaqai ná'ogue na lauo' na Egipto laseripi. ¡Ca da'maxare ỹaatqajam se qaiuanapega quesaua qata'alli' chaqai quesaua qapirilli' quesá'ogue so ñaxaripi, chi ỹovireta'a nauajo na'xata' seuqatauguilo! Ca co'na' ime da letaxaỹaxac, ca' so Moisés naqalgoxoñi, ca' eec, ca'e ñi lauo' so Faraón.

Éxodo 20:21

Ca na' ñaqai qoỹoqote'oga so qomyipi, ca' so Moisés nqo'neu'a so napalligui naueguelec só'maq hueetaugui ñi qota'olec. (20.22-26 Da naqataxaquipi quena' qaro'ueenataxanlec ada ncopatoxonaxalate.)

Ezequiel 34:12

Shintari' cá'maq neloxoỹaq quelola aca leloxoiqateguese quena' neuagaxatetajlec, ca' chaqaida shintari' squelola ana ilo qagreta; yapilaxat quená'maq hueeta'ñi neuagaxatetac queso na'xa'a napalñi sauaxat so nonot quesaxanaxaic.

Joel 1:6

Ma' ana piñai 'ec ca 'xoic nouaataxanaq nalauataxai, chaqai naua la'gaxanqate 'ec na sauaxaic leta'a chaqai naua lasoocse 'ec na sauaxai 'aalo ỹaatqajam i'leque'tegue na ña'laua.

Joel 2:25

Ỹim sopilaxatema qamiri ma'le saua'que saua ñaxari na'lerañi sauaxat na'le aso piñai 'ec ca nouaataxanaq nopoxoiqataxanaq selatalo na'le qamiri quiyim na'laxatañi so qadañiguii.

Joel 2:31

Chaqai añi ra'aasa napalligui ma'le, chaqai ñi shiraigo 'ec na leuoripi ma'le, ma' saqa' novi' ca na'xa'a ñi qara'gaxala'. Cajo na'xa'a chalego da lecaic chaqai da lichic.

Joel 2:5

chaqai da lelamaxa quena' renoteta'gue ana qa' ladocai, da lelamaxa 'ec ana nahoglena lauataxaqui, da lelamaxa 'ec ana qo'paq laue laso quena' ỹavic quena norec. Na piñai 'ec na nouaataxanaq quesaxanaxaic quena' naloqojñi quiyim eec nalauat.

Amós 4:13

Ñi qara'gaxala' ñí'maq ỹo'uet ana qa' ladocai chaqai na nonot, ñi'maxare ỹa'deenaxanaxaneguelo naua na'deenaxaco na qom, ñí'maq ñigui pe nqai'en yi na'xa'a, ñí'maq quelgoto nauá'maq paguec qoỹoqoshi'meguelo quena 'laua, ñi qara'gaxala', ñi'maxare qota'olec sqaica lqalanec, ca' chaqaida dá'maq dajo leenaxat.

Zacarías 14:6

Ca' quecajo na'xa'a qaica ca no'oomaxa ma'le, vire'ta aca loñi sqaca ma'le.

Mateo 24:21

Ma' ỹaatqajam 'xoic ca ne'xoric ma'le, qaica 'nejem shi'gue na' ñaqai taachiguiñi qaỹo'uet na 'laua, chaqai qaica ma' 'ue quet ca liỹa 'nejem.

Marcos 13:19

Ma' ỹaatqajam ne'xoyaxaqui' cauajo qaica nqai 'nejme' na'xata', shi'gue na' ñaqai chicqotañi na' ñaqai chita'gue qaỹo'uet na 'laua, chaqai se qaiuanapega ma'le ca 'nejem dajo ne'xoric.

Hebreos 12:18

Sqai 'nejme' qamiri so llaalqaipi so Israel co'na' nqo'neu'a aso re'qoochigui qa' ladocai, ỹaviquetaugui queso norec lauaq, chaqai so napalaxa, chaqai so nonot lodegaxat.

Judas 1:13

Na'maxare 'nejem ca quesaxan lo'paxa aca huaaxai niñimlaxantecshiguim na lanatqaipi se no'uen 'ec ro'i, chalego la'aaxa nayiloxo lahi'. Chaqai na'maxare 'ec aca huaqajñi ỹit ca llicyaxac, ca' 'ue da nouaxanaxaset quiyim hueetaugui nqohin na qaica nqai 'nejem chaqai sqaica lqodoc napalaxa.

Apocalipsis 9:2

Ca na' ime, ca ỹauachi'ña caso tema. Ca' quiyi, ca taashiguim na lesalaxaripi 'ec chicqaugui ca chalego lecaic nqatelaxanaxaqui. Ca' so lesalaxaripi aso tema, ca chicqochigui 'ue so napalaxa, ma' ỹapolec añi ra'aasa chaqai ná'ogue.