Joel 2:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ lapooñiỹata' na lalamaxareteripi ñi qota'olec, chaqai nco'taxachiñi; lapoỹata' nqai'ñii na qo'xoiquipioqui', na ñaaqaipioqui' chaqai vire'ta ná'maq ñaqai llipetac. ¡Vire'ta nauá'maq ñaqai chita'gue o'nata' nenoxondec queca lauote' 'imec!

Joel 2:16 Iomraidhean Croise

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

Salmos 19:5

Añi ra'aasa netoon quena' quegue so llic, 'ec ca nalliquinaxai, 'ec ca piitaxaua quena' nenoxonec queca lo'naqa'.

Éxodo 19:10

Ca' ñi qara'gaxala' 'naaco' na'le queso'maxare: —Mo'e', 'maxachiriñi yi qomyipi nagui chaqai nete'e quiyim imaqachin aỹim ma'le. Ca' quiỹo' naua loho,

Éxodo 19:15

Ca 'naaco' so Moisés: —Na'maxachitaño', qaiyi co'teete' qamiri ma' nete'e liỹa. Chaqai sqaico' ca nanoiquiñiguit aca loua.

Éxodo 19:22

Chaqai vire'ta na letaxaỹaxanqajnec na qomyipi qai'neeta quiyim nqo'neuo caỹim. Qam 'au nco'taxateta, ¡'neeto' 'ue ca ñopoxoỹaxajñi quena'maxare!

Joel 1:14

Taxaiỹougui na qomyipi chaqai 'ñiỹapega quiyim nqopaaqachit; lapooñiỹata' quiñi lo'ueenaxanaxaqui ñi qara'gaxala' ñí'maq qota'olec caqamiri ná'maq qo'xoiquipi chaqai ná'ogue na qomyipi neetalec na 'laua Judá, chaqai raualaxaiỹot shiilahi ñi qara'gaxala'.

Mateo 21:16

Ca 'neraco' queso Jesús: —¿Ñaq na'xaỹaxañita dá'maq ỹa'xatetac ná'maq najo? Ca' so Jesús 'naaco' quesaua'maxare: —Ajá'a, sa'qaatapega. Qam ¿sqai taxailco' quen naua naneresañi la'qaatqa ñi qota'olec quiyim ỹa'xatesa'guit dajo? 'Neracsa': Ma' 'viichi'o' quiyim na ñaaqaipioqui' chaqai na ñaqai llipetac ỹaatqajam 'maxaraic da lemaqajnataxanaxac.

Mateo 9:15

Ca' so Jesús 'naaco' quesaua'maxare: —¿Peeta'a ishiteto' quiyim rachicota, 'ec 'ue ca lasauaxanec, cá'maq nalecsec queca shilaq quiyim ñaq ỹalequetaho cá'maq shiltapego? Qam 'ue ca na'xa'a ma'le ma' ỹovita qanaqata'a só'maq nashilaxaua. Ca' quiyi, ca ishit nqopaaqachit na'maxare.

1 Corintios 7:5

Se ỹa'maxañi quiyim 'ue ca se nasen caqamiri, ta'to'o' no'm na'yiiñiỹata' quiyim vii ca raloqojñigui quiyim sqa qamiri napa' quiyim viitaque ralamaxaijlec ca nqouagaxainaxaguii. Qam ma' ime, ca lotqai qamiri napa'. Ma' no'm 'ue ca se nasen, ca sqoue ca se nalo'guit ca 'neeta, ca' so na'ỹaapec 'ue ca lligo quiyim ỹa'ue ca nasauaxaset.

1 Samuel 16:5

Ca' so Samuel 'naaco': —Ajá'a, chaqaida. Ỹim ñanac, qam saanot aca ỹachitaxanataxanqate ñi qara'gaxala'. Nco'taxachiỹalta', ca' ñauecqatecta', qaiyi lliguitau'a ma' savigaxat ca ỹachitaxanataxanaxat. Ime, ca' nco'taxat nqai'en so Isaí chaqai so llaalqaipi, ca' 'naapega quiyim ỹalequetaho ma' ỹo'uet ca lachitaxanataxanaxat.