Joel 2:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Sqoue se ỹa'ue ca nouaxanaxasete' qamiri, ca nela' ca lqouagaxa caqamiri. Ca ỹa'ue ca lqouagaxanaxat nanecsec ala chaqai na lataxa, ca qaiyi 'ue ca rachitaxanataxanaxachii quiñi qara'gaxala', ñí'maq qota'olec caqamiri.

Joel 2:14 Iomraidhean Croise

2 Samuel 12:22

Ca' so David 'naaco': —Na' ñaqa 'ue so noctoqui', ca ñqopaaqachit chaqai ñoỹentac, ma' sahotaque quiyim ñi qara'gaxala' yi'xoren, ca' nca'laxatec yi noctoqui'.

2 Samuel 16:12

Ma' sqoue quiyim ñi qara'gaxala' ma' iuana da i'xoric, ca' nqouaguic, ñigui nqai'en da ñishiuenaxac sa'qaatapega nagui.

2 Reyes 19:4

Sha'apiguito' ñi qara'gaxala' qota'olec 'xaỹalo daua la'qaatqa so lotaua ñi nashi quiyi Asiria, quiyim queetapegueu'a ñí'maq nca'leetauec qota'olec, chaqai sha'apiguito' quiyim ỹouaxan quedá'maq cajo 'naac quiñi qara'gaxala', ñí'maq qota'olec caqami' peeta'a 'xaỹa. Ca' nagui, ca' nqouagaxaiñitot ñi qota'olec quená'maq no'ueenañi.

Éxodo 32:30

Ca' queso liỹa na'xa'a, ca' so Moisés 'naaco' queso qomyipi: —Qamiri ỹaatqajam chalego lecaic da rasauaxashichii. Ca' vichiguiño' nagui, ca saashi'ma ñi qara'gaxala', sha'apiguito' seshit quiyim ỹapalaxat da rasauaxashichii.

Jeremías 18:8

Qam cajo qomyipi, no'm ỹaxanñi da ỹo'ueetetac se no'uen, ca' se selata ca nouaxanaxaset sa'maxatetañi.

Jeremías 26:13

No'ueenaxachii da ra'deenataxanaxaguii chaqai da ro'ueenataxanaxaguii, na'xaỹaxañiỹa ñi qara'gaxala' qota'olec, ca' ñi'maxare se ilatalo qamiri ma'le ca re'xoriguii ỹa'xateta'guit.

Jeremías 26:3

Sqoue na'xaỹaxana qami', ca' ỹaxañiñi naua se no'viiñi, ca' ỹim se sepacqajñigui ca nouaxanaxaset dá'maq sahotaque so'uet, sauaxate' naua se no'viiñi lo'ueenataxanaxaco.

Joel 1:13

Qamiri netaxaỹaxanqajanqaipi daañiteguelec ada ncopatoxonaxalate, ñiiñi caua noho nachicoxoqui', chaqai noỹiñii queda nqui'ic, ma' ñi no'ueenaxanaxaqui quiñi qota'olec tot qaica ca nanecsec ala chaqai ca lataxa quiyim nachitaxanataxanaxat.

Joel 1:16

Ỹaatqajam seuanqachigui quiyim qarouootaxana'gue so qonoq, ca' imeuo da naỹaac quiñi no'ueenaxanaxaqui quiñi qota'olec.

Joel 1:9

ca' chaqaida 'neeta noỹen na netaxaỹaxanqajanqaipi ma' quiñi no'ueenaxanaxaqui quiyi Jerusalén tot qaica ca nanecsec ala chaqai ca lataxa quiyim nachitaxanataxanaxat quiñi qara'gaxala'.

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Jonás 1:6

Ca só'maq lo'o asó'maq qoyintañigui quepegue' so Jonás, ca 'naaco': —¿Negue' cá'maq 'ñi'sa'pegue qami' quenajo, qami' laxasoxoi? ¡Ne'laxachirishiguim, nqouagaxaiñitot ca qota'olec caqami'! Sha'apiguito' qare'xoren, ca' nca'laxaterec qomi'.

Jonás 3:9

Sha'apiguito' ñi qota'olec nemanñi da lauel coqomi'. Ca' se qaralauat.

Hageo 2:19

Hua', ca' nagui retañita quiyim quenajo na'xa'a, ca' taachi'ñi quiyim tot qoue na nanecsec ala quenaua lahiri. Chaqai 'eno'm saqa'laca aca la ana 'úva, chaqai ana higo lashi, chaqai ana granada lashi, chaqai ana oliva lashi, qam quenagui, ca chaqa'ma' taachi'ñi quiyim tot qaican qoue nqaishin caqamiri.

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,