Joel 2:13 - La'qaatqa ñi qota'olec Qota'olec & Qota'olec Novita Na Qomyipi

¹³ ¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Joel 2:13 Iomraidhean Croise

Génesis 37:29

Ca co'na' so Rubén liỹa ỹovita añi ni'ỹa, qa' totqai hueeta'ñigui so José. Ca nasectaqta'ahi saua loho queda lqui'ic nqai'en.

Génesis 37:34

Co'na'le, ca' so Jacob nasectaqta'ahi saua loho, ca' ỹañiñi saua noho nasouaxaqui'. Ca' dajo lasouaxac so llaalec mesqai chita'gue ca ỹapalaxat.

2 Samuel 1:11

Co'na'le, ca' so David chaqai sauá'maq liỹareta'pe nasectaqta'ahi naua loho queda nqui'ic.

1 Reyes 21:27

Ca' so Acab co'na' 'qaachigui dá'ogue dajo, ca nasectaqta'ahi saua loho, ca' ỹañiñi saua noho nachicoxoqui' chaqai nqopaaqachit. Chaqai quena' laq, ca' queeta'anto saua loho ỹansañi, chaqai rachicotam.

2 Reyes 22:11

Ca' so nashi na' 'xaỹalo saua naqataxaco hueesalec aso lere, ca nasectaqta'ahi saua loho queda nqui'ic.

2 Reyes 22:19

chaqai ma' 'ue da rachitachiqui', ca nañaañitot aỹim na' 'qa'italo naua ỹa'qaatqa quedá'maq silliitalec na 'laua chaqai quená'ogue ná'maq neetalec, taỹa'a quiyim qanopoxoỹaxajñi chaqai quiyim qaỹa'ue da nouaxanaxaset, chaqai quiyim nasectaxachira'ahi naua qatoohi', chaqai seuanchigui qami' quiyim noỹiñi', vichiguiño' ỹim qai'neeta ña'xaỹaxana qami'. Ỹim na'gaxala' shinac dajo.

2 Reyes 5:7

Ca co'na' so nashi quiyi Israel retaqalec aso nelaata, ca nasectaqta'ahi saua loho queda nqui'ic. Ca 'naaco': —Ca ¿ỹimo' ná'maq ỹim qota'olec quiyim ỹaanec da nca'laxa chaqai quiyim ỹacona da chaalataxac quiyim cajo nelata ỹim na ỹale quiyim ñataren na le'ne' na loshicmaxa? ¡Ỹaatqajam 'ajñita, ca' 'yiiñii ma'le quiyim ỹahotaque ca lligo queca ño'ueenataxac quiyim yiloquin!

Job 1:20

Ca' so Job mashic paguec da nqui'ic, ca ne'laxashiguim, ca nasectaqta'ahi saua loho, ca ỹoselaxajlec na lqahic, ca ỹa'chi'iñi naua le'cootal, ca nqouagaxainot ñi qara'gaxala'.

Salmos 103:8

Ñi qara'gaxala' isoteta da lqouagaxa; hualaxauaic chaqai imaañi ne'xorenataxanaxa.

Salmos 51:17

Aca nachitaxanataxanqate quiñi qota'olec chaqaica ca na'deenataxanaxac 'xoic da nqui'ic; ¡qami' qota'olec se liỹoqoira'piguit aca ne'taxanata neneequesenta!

Isaías 58:5

¿'Ñiitapego' quiyim ca yqo'ta qopaaqataxac taỹaugui quiyim ỹahotaque ca le'xoric, chaqai quiyim nanaxañi nqai'en ñi lqahic 'ec aca na'uaate chaqai quiyim nenanñi queeta'anto caua loho ne'xoyaxaqui' hueetañigui ca lo? ¿Chaqaido' dá'maq 'ñiỹac qopaaqataxac chaqai ñi qara'gaxala' nqo'ta sojo na'xa'a?

Jeremías 36:7

Sqoue quiyim ỹashiila ñi qara'gaxala' chaqai ỹaxanñi da se no'uen lo'ueenataxanaxac ma' chalego lecaic dá'maq lonogoxonaxac ñi qara'gaxala' quiyim ỹadentalec na'maxare.

Jeremías 42:10

No'm qamiri viitaque sqai dahi quenajo 'laua, ca' ỹim so'uet quiyim 'ue nqaiyi caqamiri; se ñopoxoỹaxajñi qamiri, ta'ta'a quiyim sañiñi qamiri, ca se ñapogue' qamiri, ma' 'ue da ñitogotaxa quiyim ñila' da re'xoriguii.

Ezequiel 9:4

Ca 'naapega: Quirougui na na'a' lodegaxat Jerusalén, ca' vite ca retanqui' quena latap cá'maq 'ue ca lachicoxo chaqai da nqui'ic quená'ogue ná'maq qanaqaica'a qaỹo'ueetetac quiyi'maxare.

Jonás 3:9

Sha'apiguito' ñi qota'olec nemanñi da lauel coqomi'. Ca' se qaralauat.

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

Efesios 2:4

Qam ñi qota'a ỹaatqajam chalego lecaic da le'xorenataxanaxa ma' ỹaatqajam ỹauoteguelo qomi',

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.