Joel 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Pi'chiigui ana npe'te cada qa' Sión naugui yi na'a' Jerusalén; pi'chiigui ca npe'taxanaxac quena' 'ue ca nepalata lichic cada co'teeta naqa' ñi qara'gaxala'. Re'loxollii qamiá'ogue ñiitalec na 'laua Judá, ma' tot qoỹoxoguit ca na'xa'a loviraxaqui ñi qara'gaxala'.

Joel 2:1 Iomraidhean Croise

Éxodo 10:14

Ca' ỹaatqajam no'qajlec nqai'en yá'ogue yi 'laua Egipto cana piñai. Se ỹauanapego' quen 'ue chaqai qaca liỹa na'le 'nejem sojo na'xa'a mashic ỹapaguelec aso piñai.

Isaías 2:12

ma' 'ue ca ỹo'uet ñi qara'gaxala' sqaica lqalanec quená'maq qomyipi nemaqajnaxairipi chaqai naleesenaxai, ma' reloqoguit ná'ogue na qom napacqajnaxai, ma' ỹahotaque nemanachit nqai'en.

Jeremías 4:5

'Xachii dajo quena Jerusalén chaqai quiyi Judá, pi'chiigui aca npe'te quená'ogue na 'laua hueesalec, taxahi, ỹaatqajam nelamaxariñi ma'le, 'ñiỹac: ¡Hua', lapohiỹata' quenaua na'aate' leta'al 'ue na lquepaqataxanaxat!

Daniel 6:26

chaqai sa'ue da ỹaqataxac chaqai selaataxan quiyim ná'ogue na qomyipi quená'maq 'laua soiquentac quiyim se iualaxainari' ñí'maq qota'olec quiñi Daniel. Ma' chaqaiñi ñí'maq qota'olec nca'leetauec, chaqai se neme quiyim 'ue. Da lo'ueenataxanaxac quiyim ỹoiquentac ná'ogue najo qaica iuagaxatac, chaqai qaica lqodoc da lquesaxanaxa.

Oseas 5:8

¡Pi'chiigui ana npe'te lasote lauataxaqui quiyi na'a' Gabaa chaqai ana npe'te quiyi na'a' Ramá! ¡Raualaxailec yi na'a' Bet-avén! ¡Ñiiñi quiyim qaica ca ỹajnaxa quiyi 'laua Benjamín!

Joel 1:15

¡'Agai, tot qoỹoxoguit ca na'xa'a loviraxaqui ñi qara'gaxala'! ¡Chalego lichic ma' nodoota quiyim qanopoxoỹaxachiñi qomi', chicqo'ot ñí'maq sqaica lqalanec!

Joel 2:11

Ñi qara'gaxala' 'auetauec queso nalliripi, qara'xaỹaque nqai'en da lauel 'ec soxonaxa. Ỹaatqajam 'xoic so nalliripi; tot qaica ca naloqochin só'maq ilaretac. ¡Chalego lecaic chaqai da lichic só'maq na'xa'a loviraxaqui ñi qara'gaxala'! Ỹaatqajam qaica ca ishit quepaxata'guit.

Joel 2:15

¡Pi'chiigui aca npe'te cada qa' ladocai Sión! Taxaiỹougui na qomyipi chaqai 'ñiỹac: Ñqopaaqachitaq;

Joel 2:31

Chaqai añi ra'aasa napalligui ma'le, chaqai ñi shiraigo 'ec na leuoripi ma'le, ma' saqa' novi' ca na'xa'a ñi qara'gaxala'. Cajo na'xa'a chalego da lecaic chaqai da lichic.

Amós 3:6

no'm ilamigui aca npe'te queca na'a' lodegaxat, ca' no'chata' na qom; no'm 'ue ca se no'uen taalec cajo na'a' lodegaxat, ca' chaqaiñi ñi qara'gaxala' taalec nqai'en.

Amós 8:2

Ca ñi qara'gaxala' yinat: —Amós, ¿negue' ná'maq 'ajñisac? Ca shinac: —Nanecse ala ỹiita hueetañigui añi lahi'. Ca 'naac ñi qara'gaxala': —Na Israel mashic ỹovita yi lqodoc, ca' tot qaica ma' liỹa quet yqouaguegue.

Zacarías 14:1

Mashic naata ca na'xa'a ñi qara'gaxala', ma' ỹovita quiyim na rouenaxahipi qaneuagaxachigui quena Jerusalén.

Malaquías 4:1

Ñi qara'gaxala' sqaica lqalanec 'naac: Tot qoỹoxoguit na na'xa'a ỹaviquetaugui, 'ec ca nqatelaxanaxaqui. Ca ná'ogue ná'maq nemaqajnaxairipi chaqai na hualoxonyipi ỹavigougui ma'le, 'ec na 'uaqapi quena norec lauaq. Ca cá'maq cajo na'xa'a naata ỹavigaxat ná'ogue, ca' qaica ca no'ueenashiguim nqai'en.

1 Corintios 14:8

Chaqai quena' lauataq, no'm sqa ỹaataxa'uegue da lelamaxa aca npe'te, ca' sqaica cá'maq na'maxatetañi quiyim eec nalauat.

Filipenses 2:12

Ca' vichiguiño' qamiri ñauochaxaua' ỹaqaỹa', quiyim chaqaida 'ñiitari' quiyim se neme na'xaỹaxañii'ta aỹim quena' salequetauguilo qamiri, ca' nagui, ca paguec quet na'xaỹaxañii'ta aỹim mashic qoỹoqo'ta aỹim. Ca nquipichiỹa'pegue' da rca'laxahi, ca niñiiquishiñii chaqai richilliỹañi.

1 Tesalonicenses 5:2

Ma' qamiri mashic 'yiiñita ca na'xa'a ma' novi' rapil so qara'gaxala'. Novi' so'maxare, ma' sqaica ca qaỹahotaque, 'nejem ca cuataxai quiyi pe.

Santiago 5:8

Ca' coñiỹa da reualaxaviguii qamiri qai'neeta, se reualliñi, ma' da loviraxac quiyim rapil so qara'gaxala' tot qoỹoqaque.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

Apocalipsis 6:17

Ma' mashic novi'o' ná'maq chalego lecaic na'xa'a nouaxanaxaqui ná'ogue, ca ¿negue' queto' ca ishit na'ñaxachiguit?