Joel 1:2 - La'qaatqa ñi qota'olec Qota'olec & Qota'olec Novita Na Qomyipi

² Ỹaatqajam na'xaỹaxañiita dajo, qamiri qo'xoiquipi, chaqai qamiá'ogue qamiri ñiitalec najo 'laua Judá, ¿Sqai huañiỹapego' quen qamiri ca 'nejem dajo? ¿Se ỹauanapego' quen 'ue ca 'nejem dajo na' ñaqa 'vii saua qata'allii?

Joel 1:2 Iomraidhean Croise

Job 8:8

Nataxañi' queso 'auaxaic ỹalliripi, napaxaguiñita dá'maq ỹa'den ỹovirau'a so 'auaxaic qomyipi.

Isaías 7:17

Ñi qara'gaxala' taalec nqai'en qami', chaqai na qauochi' chaqai na qachaalaxai'ipi, cauajo na'xata' 'xoic la'aaqa' se ỹauanapega 'neeta, shi'gue na' so llaalqaipi so Efraín noỹootec queso llaalqaipi so Judá. (Ca' quedajo 'neetapega so nashi quiyi Asiria.) (7.18-25 Da netanec so Emanuel.)

Joel 1:14

Taxaiỹougui na qomyipi chaqai 'ñiỹapega quiyim nqopaaqachit; lapooñiỹata' quiñi lo'ueenaxanaxaqui ñi qara'gaxala' ñí'maq qota'olec caqamiri ná'maq qo'xoiquipi chaqai ná'ogue na qomyipi neetalec na 'laua Judá, chaqai raualaxaiỹot shiilahi ñi qara'gaxala'.

Joel 2:2

Cajo na'xa'a chalego ma'le ca napalaxa; cajo na'xa'a naueguelquetañi chaqai la'alchiguiñi. Ana piñai 'ec na 'xoic nouaataxanaq nalauataxai quelec neuagaxajlec ana qa' ladocai, 'ec na lauaq quena' richiguiñi. Se ỹauanapega qaiuana dajo, chaqai qaica ma' qaiuana quet cá'maq 'nejem dajo.

Amós 3:1

Qamiri llaalqaipi so Israel, ñaq na'xaỹaxañiỹa da la'qaatec ñi qara'gaxala' quenajo qomyipi naqata'a na'le quiyi Egipto, ñi'maxare 'naac:

Amós 4:1

Na'xaỹaxañiỹa dajo, qamiri 'aallipi 'deenaxanqachaqaipi nesallaxanaipi, aná'maq paguec loyac quiyi Samaria, aná'maq pataxañi na 'xoraic chaqai se ỹaqamaxat ná'maq 'ue na louenaxanaxa, aná'maq ila' na louaaripi quiyim idaanaque ca ne'taxat lataxa.

Miqueas 1:2

Qamiá'ogue qamiri qomyipi, ñaq na'xaỹaxañiỹa dajo; qamiá'ogue qamiri ná'maq ñiitalec najo 'laua, ñaq na'xaỹaxañiichiguiñi: Ñi qara'gaxala' quiyí'maq neeta'ñi quiñi lalamaxaret lauo', ñi'maxare ỹa'xat ma'le cá'maq 'neeta quiyim npa'guento qamiri.

Miqueas 3:1

Ñaq na'xaỹaxañiñi nagui qamiri nashillipi chaqai na na'gaxalateripi quena Israel, ¿'ñiitapego' sqai chicqotouguilo qamiri quiyim qaỹa'den cá'maq no'uen no'ueenataxanaxac?

Miqueas 3:9

Ca na'xaỹaxañiỹa nagui dajo, nashillipi chaqai na la'gaxalateripi na Israel, qamiri ma' se rqo'chiỹa dá'maq no'uen chaqai namaq nqai'ñii ná'maq ỹalamqata,

Mateo 13:9

Ca no'm qamiri 'yiiñii ca na'xaỹaxanaxaguii, ca ¡'maxaraic quiyim na'xaỹaxañii!

Mateo 24:21

Ma' ỹaatqajam 'xoic ca ne'xoric ma'le, qaica 'nejem shi'gue na' ñaqai taachiguiñi qaỹo'uet na 'laua, chaqai qaica ma' 'ue quet ca liỹa 'nejem.

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”