Joel 1:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Taxaiỹougui na qomyipi chaqai 'ñiỹapega quiyim nqopaaqachit; lapooñiỹata' quiñi lo'ueenaxanaxaqui ñi qara'gaxala' ñí'maq qota'olec caqamiri ná'maq qo'xoiquipi chaqai ná'ogue na qomyipi neetalec na 'laua Judá, chaqai raualaxaiỹot shiilahi ñi qara'gaxala'.

Joel 1:14 Iomraidhean Croise

Nehemías 8:18

Ca' qaỹo'uet so nemaqachic quiyim qoyiuelec ñi qara'gaxala' quesaua siete na'xata'. Ca' so Esdras saua'que sauajo na'xata' retaqateguelec aso laqataxaco lomalate ñi qota'olec. Ca' queso liỹa na'xa'a, ca' qaỹo'uet so nemaqachic lodegaxat, ca qaipacqajanchigui dá'maq na'qaatec qoỹeretañi. (9.1—12.26 So qomyipi ỹa'xat na lasauaxaset. Ime, ca ỹaanec da la'qaatec quiyim ipaquichiguilo nqai'ne' naua lelaataxanaxaco ñi qota'olec. Qoỹaanshiguim so lquepaqataxanaxat yi Jerusalén.)

Ester 4:16

—Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.

Jeremías 14:2

Yi Judá noỹen queda lachicoxo, yí'maq na'a' lodegaxat 'ue da lachitachic, na qomyipi mashic nenantañi quena 'laua. Yi Jerusalén ỹaualqatac quena nqui'ic.

Jeremías 36:9

Ca' quesaua cinco ñaxari chaqai nueve shiriguiri quiyim nashi quiyi Judá so llaalec so Josías, leenaxat Joacim, ca' quelec quiyim nqopaaqachit quiñi qara'gaxala' so neeta'ñi yi Jerusalén chaqai ná'maq chicqa'ogalo naua liỹa' na'aate' quiyi Judá.

Joel 1:2

Ỹaatqajam na'xaỹaxañiita dajo, qamiri qo'xoiquipi, chaqai qamiá'ogue qamiri ñiitalec najo 'laua Judá, ¿Sqai huañiỹapego' quen qamiri ca 'nejem dajo? ¿Se ỹauanapego' quen 'ue ca 'nejem dajo na' ñaqa 'vii saua qata'allii?

Jonás 3:5

Ca ná'maq na'ñi yijo na'a', na collo'olqaipioqui' chaqai na leta'allípi, ỹaatqajam huelec ñi qota'olec. Ca' nqopaaqachit chaqai ỹañiñi naua noho nachicoxoqui', ma' ỹaatqajam 'ue da lachicoxo.

Jonás 3:8

Ta'ta'a quiyim ñiiñi na nooỹac nachicoxoqui re'qoota nqai'ñii da rachicoxohi, chaqai ná'ogue nqouagaxainot ñi qota'olec machii'ot ná'ogue na rquesaxanaxahi, chaqai ná'ogue ỹaxanñi na loic se no'uen, chaqai quiyim se ra'maqataxan dá'maq ỹo'ueetetaco' quen chi ỹovireta'a nagui.