Job 2:3 - La'qaatqa ñi qota'olec Qota'olec & Qota'olec Novita Na Qomyipi

³ Co'na'le, ca' ñi qara'gaxala' 'naaco' queso'maxare: —¿Mashic huañita ñi ilaatec leenaxat Job? Qaica ca 'nejem ñi'maxare quena 'laua, ỹaatqajam qamaxaraic ñi'maxare caỹim, chaqai da nachaalataxac ỹaatqajam 'maxaraic, chaqai qaca aca lete, netelañi quiyim ỹo'uet ca se no'uen queca liỹa. 'Eno'm shiilaxañitegue caỹim quiyim 'viichi' ca se no'uen quiñi'maxare, qaica quet cá'maq ỹasauaxat, qam ñi'maxare se neme quiyim queetalec aỹim, sqai ỹaxanec dá'maq no'uen chaalataxac.

Job 2:3 Iomraidhean Croise

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Job 1:11

Qam quiyim huootaxañira'gue ná'ogue ná'maq hueeto'ot, ca ma'le, ca 'yiiñi' quiyim se no'uen ca ỹa'xat caqami'.

Job 1:6

Ca 'uo' so na'xa'a quiyim quepegue' ñi qara'gaxala' so lelaatqaipi piguim laseripi. Ca qai'neeto' ỹoviro so na'ỹaapec só'maq viraqataxanaxai ỹalequetauguilo saua'maxare.

Job 1:8

Co'na'le, ca ñi qara'gaxala' 'naaco': —¿Mashic huañita ñi ilaatec Job? Qaica ca 'nejem ñi'maxare quena 'laua. Ñi'maxare ỹaatqajam quejlec aỹim, chaqai ỹaatqajam ỹaqamqata, chaqai ne'maxateta, qaica ma' ỹo'uet quet ca se no'uen.

Job 2:2

Ca' qainato' quiñi qara'gaxala', qohinaco': —¿Negue' ca chicqoira'gue? Ca' só'maq viraqataxanaxai 'naaco': —Chi souoxonta'pe naua lahil na 'laua.

Job 2:4

Qam so na'ỹaapec 'naaco' quiñi qara'gaxala': —No'm ca 'óna saqa' qaiqueuocau'a na loshicmaxa, ca' ỹaqamqata quená'ogue. Ca qom qaica ca itena'a quená'ogue, ma' ỹahotaque nca'laxatec da chi nachaalataxac.

Job 9:17

Ca ñi'maxare ishit quiyim youaxan, ỹodootaỹa' ca nonot lodegaxat, ca' noquiigaxatec na icoñiraxaripi, 'eno'm qaica ca sasauaxat.

Job 9:20

'Eno'm ỹaatqajam ña'maxateta, ca' qaica ca sasauaxat, qam ñi'maxare qaiyiita 'naac ỹim sauaqhuaic chaqai nocqaic.

Juan 9:3

Ca' so Jesús 'naaco': —Sqa chicqaugui cá'maq chi lasauaxaset, loqo'm ca lasauaxasete' caua leta'al. Ma' dajo chi qohinegue, qaiyi re'oq cá'maq ỹo'uet ñi qota'olec, chicqochigui nqohin ñi'maxare.

Filipenses 3:12

Ỹim se seshit quiyim shinac quiyim sovirau'a dá'ogue dá'maq sa'xatetac, loqo'm quiyim mashic yaloochiguiñi queda ỹicyaxac. Qam ỹim shiqueta, ma' 'ue da ñaquitaxac quiyim sovirau'a dá'maq 'em quiyim iconeu'a aỹim na'le so Cristo Jesús.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

1 Pedro 1:7

Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.