Job 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Job 1:1 Iomraidhean Croise

Génesis 10:23

Ca' saua llaalqa so Aram: saua Uz, Hul, Geter chaqai so Mas.

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 22:12

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

Génesis 36:28

Ca' so Disán llaalqa saua Uz chaqai so Arán.

Génesis 42:18

Ca na' ime' saua tres na'xata', ca 'naaco' quesaua'maxare: —Ỹim 'ue da iqolonaxa quiñi qota'olec. Ca vichiguiño' 'maxaraic quiyim 'viichii da ỹa'qaatec, qaiyi qai'xorene' qamiri:

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

2 Reyes 20:3

—Ỹim sashiila'e' qami' ỹa'gaxala', quiyim o'lliinchira'a quiyim ỹim qamaxaraic quena' so'uet cá'maq 'maxariñite'. Ca' ỹaatqajam noỹen.

Job 1:8

Co'na'le, ca ñi qara'gaxala' 'naaco': —¿Mashic huañita ñi ilaatec Job? Qaica ca 'nejem ñi'maxare quena 'laua. Ñi'maxare ỹaatqajam quejlec aỹim, chaqai ỹaatqajam ỹaqamqata, chaqai ne'maxateta, qaica ma' ỹo'uet quet ca se no'uen.

Job 2:3

Co'na'le, ca' ñi qara'gaxala' 'naaco' queso'maxare: —¿Mashic huañita ñi ilaatec leenaxat Job? Qaica ca 'nejem ñi'maxare quena 'laua, ỹaatqajam qamaxaraic ñi'maxare caỹim, chaqai da nachaalataxac ỹaatqajam 'maxaraic, chaqai qaca aca lete, netelañi quiyim ỹo'uet ca se no'uen queca liỹa. 'Eno'm shiilaxañitegue caỹim quiyim 'viichi' ca se no'uen quiñi'maxare, qaica quet cá'maq ỹasauaxat, qam ñi'maxare se neme quiyim queetalec aỹim, sqai ỹaxanec dá'maq no'uen chaalataxac.

Job 4:6

Qami' ma' ỹaatqajam qami' qamaxaraic lo'ueenataxanqajnec ñi qota'olec, qami' ỹale ỹalamrete' naua ra'deenataxanaxagohi', ¿negue' quet cá'maq 'neeta quiyim qaica ca rpi'ỹaxaqui'?

Job 9:21

Ỹaatqajam qaica ca ỹasauaxaset, qam ¿negue' quet cá'maq 'negue da'maxare? Ỹim mashic yisot quiyim yca'leetauec.

Jeremías 25:20

chaqai na ỹoreta'oguit qomyipi neeta'ñi yi'maxare; chaqai ná'ogue na nashillipi quiyi 'laua Uz; chaqai na lashillipi na filisteoipi quiyi Ascalón, Gaza, Ecrón chaqai na no'ueenauec quiyi Asdod;

Lucas 1:6

Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

Deuteronomio 18:13

Ca' qamiri no'uen quiyim na'maxachita quedá'maq 'ñiitari' quiñi qota'olec.

Santiago 5:11

Ma' qomi' sa'deenqata quiyim ỹaatqajam chalego la'maxa queca qom, ma' ca'laxatauec ca ne'guenaxac. Qamiri mashic 'xahitapega da 'neeto' da leualaxavic so Job, chaqai mashic 'yiiñii dá'maq 'ne'teco' ñi qara'gaxala' queso'maxare co'na' ca'laxatauec da ne'guenaxac, ma' ñi'maxare ỹaatqajam huagaxaraic chaqai 'xorenataxanaxai.

1 Pedro 3:11

Chaqai noỹootec quená'ogue na se no'uen. Ta'ta'a quiyim ỹo'uet na ỹa'maqachiguiñi, ca' idaanaque ca la'maxa, ca chaqaica queetalec.