Jeremías 8:22 - La'qaatqa ñi qota'olec Qota'olec & Qota'olec Novita Na Qomyipi

²² ¿Qaico' ca lata' dajo quiyi Galaad? ¿Qaico' ca ratarenataxan quiyi'maxare? ¿Chi'neco' ma' se imeuec na iuo' laseripi? (9.1—13.27 Da na'qaatec taỹaugui na nqolaquipi, chaqai quiyim sqaỹaloq qainaxague da ỹoqa'a 'laua so qomyipi, chaqai da na'maqataxac ñi qota'olec queso'maxare. So qomyipi ỹadentalec quiyim 'ue ca 'ne'tegue so Jeremías. Ñi qota'olec chaqai so Jeremías qatesapega so qomyipi queda lasauaxaset.)

Jeremías 8:22 Iomraidhean Croise

Génesis 37:25

Ca co'na' ime, ca nqa'xañiñi qui'ỹe'. Ca' queco'na'le, ca' iuanchichiguit so Ismael llaalqaipi no'viiquetañi chicqota'gue da Galaad, ỹahote'e ana li'ỹaaquioxolate lalo nauaanaxanaxa late'ellipi, li'ỹaac na coraxat lo'daxaraic lahita, chaqai na qo'paq louaq ỹoreta'oguit leenaxat bálsamo chaqai ana mirra, ỹodo'ogue da Egipto.

Génesis 43:11

Co'na'le, ca 'naaco' so leta'a Israel: —Hua', mashic qaica quet cá'maq lata'. Ca' yí, 'viichii dá'maq shinac: ỹoxoiguilo naua qachoxoquiri queca ramii quecajo ỹale. Dohi ma'le ná'maq paguec loyac la najo 'laua. 'Viichio' ca ri'ỹaaguii quena 'ec qo'paq louaq leenaxat bálsamo, chaqai na rapic li'i, chaqai coraxat lo'daxaraic lahita, chaqai na mirra chaqai ana qo'paq ala leenaxat nueces chaqai ana almendras.

Lucas 8:43

Ca' queso qomyipi ỹalequetauguio' aso 'aalo 'ue so le'ne'. Aso'maxare mashic ỹovi' doce ñaxari da le'xoric quiyim naqueta'pe naua leuo'. Chi ỹomatetaho' quena natarenataxanyipi sá'ogue so louenqaipi, qam sqaica ca ishit ỹomatec.