Jeremías 8:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Da laualaxac na iuo' laseripi qara'xaỹa quenaua'que naua lahil na 'laua, 'naac: “¿'Ec ñi qara'gaxala' totqai neeta'ñi na Sión? ¿'Ec totqai neeta'anyi ñi nashi?” Ca' ñi qara'gaxala' retaqa, ca 'naac: “¿Chi' negue' ma' yo'ooqochichii qamiri quiyim nqouagaxaiñitacot na nadenqatec nqolaquipi, ná'maq 'ñiitapega qota'olqaipi, qam qaica ca 'negue?”

Jeremías 8:19 Iomraidhean Croise

Salmos 137:1

Na' senqato'oto naua lachiuque quiyi Babilonia, ñoỹenqatac quena' so'leenqataque yi qara'a' Sión.

Salmos 146:10

Ca' qami' na'a' lodegaxat Sión, ñi qara'gaxala' se neme quiyim nashi; ñi qota'olec caqami' sqaica lqodoc quiyim nashi. ¡Qaimaqachin ñi qara'gaxala' qota'olec!

Salmos 31:6

Ỹaatqajam se yqo'ta ná'maq nqouagaxaintacot na nqolaquipi qaica ca 'negue. Ma' ỹim selliito'ot da ñaquitaxac ñi qara'gaxala'.

Isaías 1:4

¡'Xoraiquipiolec na qom sauaqhuaic, no'qaachigui quena se ỹa'maxañi, chigoxougui só'maq ỹo'ueetetac da se no'uen, ñaalqaipi hualoxonyipi! Mashic noỹootec quiñi qara'gaxala', mashic nasectec quiñi co'teeta qota'olec queso Israel, ỹaatqajam ca'e.

Jeremías 14:9

¿Chi'negue ma' 'ec se raqamqe', 'ñiisari' ca nalauataxai quiyim se rotaanaxan? Qam qami' qara'gaxala' ñi'sañiguilo qomi', ná'ogue ỹa'den quiyim qomi' ralamaxarichi'ipi; ¡totaxan qaralachi'!

Jeremías 2:5

Ñi qara'gaxala' 'naacsa' caqamiri: ¿Nega'ỹo' cá'maq se ỹa'maxañi ỹo'ueenataxanaxac iuana caỹim so 'auaxaic qataa'illipi? Ma' ca'e aỹim, quegue coỹareta'pegue' ná'maq 'neetapega qota'olqaipi qam qaica ca 'negue, chaqai ñigui quiyim qaica ca 'negue só'maq qomyipi.

Jeremías 27:10

Ma' la'maachic dá'maq ỹa'xatetac caqamiri. Qaidaata dá'maq chigoxochiỹaugui qamiri ma'le quiyim qai'xate' qamiri ma'le quena na'lauahi chaqai quiyim seuagaxata'pe qamiri, ca' rillivii.

Jeremías 31:6

Ma' ỹovi' ca na'xa'a, ca' na neloxoỹaripi ỹaualaq quenaua quemaralgoto quiyi Efraín, 'nerac: Ỹalahi qamiri, qolaxapegue' yi Sión, qolaxapegue' ñi qara'gaxala' ñí'maq qota'olec coqomi'.

Jeremías 8:20

Ỹoxe'uegue so ñaaxa, ca' ime so nanecsec qanaqatetac ana la, qam qaica ca nca'laxa coqomi'.

Joel 2:32

Qam ná'ogue ná'maq pi'ỹa'a chaqai ỹashiila ñi qara'gaxala', quiichigui nqai'en da leenaxat, ca' nca'leuec ma'le, qohit queca nelauaxa, ma' cada qa' ladocai Sión quiyi Jerusalén hueeta'ñi ma'le da nca'laxa, ma' chaqaida dá'maq 'naac na'le ñí'maq qara'gaxala'. Ná'maq lca'acseripi na'le ñi'maxare, ca nca'leuec ma'le. (3.1-21 Ñi qota'olec ỹa'ue da nouaxanaxaset na ỹoreta'oguit qomyipi. Ñi'maxare nqouaguegue ma'le so lalamaxareteripi.)

Hechos 14:15

—¡Qamiri ỹalliripi! ¿Chi'neco' ma' 'viichitac dajo? Ma' qom qomi', shinqata maqamiri. Ma' chaqaida dá'maq 'em ñoviraq quiyim shinqapegalo qamiri quiyim 'xañiñi na se no'uen qaica ca 'negue, ca' quiilec ñi qota'olec nca'leetauec, ma' ñí ỹo'uet na piguim chaqai na 'laua chaqai ana huaaxai, chaqai ná'ogue ná'maq nanchaqaina.

Apocalipsis 2:1

'Chiriñi ma'le aca lere, ca' lachita ñi nelaatec reloqota'a yí'maq mashic icoñiguit da na'qaatec neeta'ñi yi Efeso. 'Ñiraco': “'Neetayi da la'qaatec ñí'maq lo'qoota'alo ñaua siete huaqajñi queda loic, ñí'maq ỹouoxonta'pe naua lavinñi' ñaua siete ncoỹeraxanaxaqui' ta'ta'a 'oro: