Jeremías 7:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Quena' ime, ca' naguipegue' na no'ueenaxanaxaqui qaỹauaaque qouagaxainaxaqui caỹim, naguipegue' aỹim. 'Neetapigui qavillii quiyim qaica canchaqaica; 'neetapigui qavillii quiyim quiitalec dá'maq 'viichitac quedá'maq tot yalo'guit.

Jeremías 7:10 Iomraidhean Croise

2 Reyes 21:4

chaqai no'xonshiguim ana ncopatoxonaxalate quiñi lauo' ñi qara'gaxala' yí'maq 'naaco' na'le quiyim qanqouagaxainot, ca' qaỹouen da leenaxat quiyi Jerusalén.

Jeremías 44:9

¿Mashic shi'co' couahi'e dá'ogue dá'maq se no'uen ỹo'ueetetac na'le so 'auaxaic qataa'illipi chaqai ná'maq ỹo'uet na'le so nashillipi quiyi Judá, chaqai so louaaripi, chaqai qamiri, chaqai caná'maq rouahi ỹo'uet quiyi 'laua Judá chaqai quenaua nayico yi Jerusalén?

Jeremías 7:11

¿Loqo'm 'neetapigui qavillii quiyim najo no'ueenaxanaxaqui qaỹauaaque qouagaxainaxaqui caỹim 'ec nqai'ñii lauaquiaxaqui na cuataxairipi? Ỹim seuana dá'ogue dajo. Ỹim na'gaxala', se'taxajñi da ỹa'qaatec.

Jeremías 7:14

Vichiguiño' dá'maq shi'ntegue na'le yi senta'ñi Silo, chaqaida dá'maq shine'tegue qai'neeta najo no'ueenaxanaxaqui lodegaxat qaỹauaaque qouagaxainaxaqui caỹim, ná'maq saanema qamiri chaqai so 'auaxaic qataa'illipi chaqai ná'maq pi'iitapega qamiri.

Ezequiel 33:25

Ca' nagui qami' 'ñirapega: Da la'qaatec ñi qara'gaxala' 'neetasa': Qamiri 'guiitac na la'at 'ue na leuoripi, shiilaitac na nashiilec nqolaquipi, chaqai lauataxañii, ca ¿'ñiitapega quiyim ralamaxarichii ma'le najo 'laua?

Amós 4:5

Ca vigaxachii na pan qaca aca lpe'taqate quiyim 'ỹaañiuo queda na'aachicyaxaguii, chaqai 'xachitac quená'ogue añi viỹaque rachitaxanataxanqachii, ma' chaqaida dá'maq viitaque qamiri. Ñi qara'gaxala' i'taxajñi da la'qaatec.

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Juan 13:18

Dá'maq sa'xatetac mesqai taỹaugui qamiá'ogue, ma' ỹim sa'deene' cauá'maq ñca'au'alo. Qam ipaquichigui ma'le dá'maq 'nerac yaua naneresañi na'qaatqa: “Cá'maq iqui'ỹaxaua, ca lotqai ñpa'guenaxaua.”

Juan 18:28

Ca' so Jesús qaỹachigoxochichi'ñi yi la'a' so Caifás, ca qaỹauegueu'a yi la'a' so nashi Pilato. Qam mashic richiitegueñi, ca' so judioipi se inoxona'a yi nasoxoc so nashi, ma' ỹouetete'e quiyim napio'xot da nachaalataxac. Ma' chi no'ueenataxac dajo, ma' no'me', ca se ishit que'e queso na'ic hueetougui so na'xa'a quena' qaỹo'leente so na'xa'a quena' qoyique'e yi Egipto.