Jeremías 45:5 - La'qaatqa ñi qota'olec Qota'olec & Qota'olec Novita Na Qomyipi

⁵ ¿'Ue cá'maq vi'saque shiilaxañiraque cá'maq no'uen? Qam sqai shiilaxañiraque, ma' ỹim sahotaque ñila' ca ne'xoric quená'ogue na qomyipi. Qam qaidaata quiyim qami' ñaq rca'lli'sauec quecá'maq 'itegue. Ỹim na'gaxala', se'taxajñi da ỹa'qaatec. (46.1—52.34 Da la'qaatec ñi qara'gaxala' 'naac quiyim ỹa'ue ca nouaxanaxaset yi Egipto chaqai yi Babilonia. Noxonec yi Jerusalén. Qanopoxoỹaxajñi so no'ueenaxanaxaqui lodegaxat. Ca' so judioipi qainaxague da Babilonia.)

Jeremías 45:5 Iomraidhean Croise

Génesis 6:12

ma' ná'ogue na qomyipi ỹo'maac. Ca co'na' ñi qota'olec iuana quiyim 'xoic na se no'uen quena 'laua.

1 Reyes 3:11

Ca 'naaco' queso'maxare: —Ma' shiilaxañiraque ca ra'yiinqui', qaiyi se qalañiralec quiyim 'ue ca na'xaỹaxañita, chaqai quiyim loqoira'a na ỹale, ca sqa shiilaxañiraque quiyim ladoc ca nachaalataxaqui' chaqai quiyim 'ue ca resallaxa'e' loqo'm quiyim qanalauajñi na npa'guenaxaua'e'ipi,

1 Reyes 3:9

Ca' 'ỹaañitem aỹim aca 'deenaxanqachaqai ne'taxanata, qaiyi seshit seloxoỹa'a na qomyipi, chaqai qaiyi sa'den cá'maq no'uen chaqai ca se no'uen. Ma' ¿negue' quet cá'maq ishit quet reloxoỹa'a na ỹaatqajam 'xoic qomyipi ralamaxarichi'?

2 Reyes 5:26

Qam so Eliseo ipaca'a so'maxare 'naaco': —Ca na' 'ue so ỹale ca'guit qami' chicqochiguiñigui aso lahoglena, ỹim seueta'anyi na'le queda ra'deenataxanaxaqui'. Qam quiyim nagui sqa taiguit quiyim qaicoñiguit aca plata chaqai ca nooỹac, loqo'm quiyim 'ue ca qarishiujnaxana nanaxanqa' 'uva loma' chaqai aca qagreta, ñii'lola, nelaatec chaqai aca nelaata.

Jeremías 25:15

Ñi qara'gaxala' ñí'maq qota'olec queso Israel 'naac caỹim: 'Ajñi' añi 'taxaqui no'qajlec quena lataxa queda ỹonogoxonaxac. Coñita, ca' ni'chigui nqai'ñi' ná'ogue na qomyipi ná'maq selata qami'.

Jeremías 25:16

Ca ma' ni'chigui, ca chaqa'ma' nesal ma'le, ca 'ec hualoxonyipi, sauaxat na lauataq selata na'maxare.

Jeremías 25:26

chaqai ná'ogue na nashillipi queda rapiguim sqoỹoqaque loqo'm qoỹoqo'ta queca liỹa. Ñi'taxan ná'ogue na nashillipi quena 'laua. Ca' co'uaataxanta ne'et ma'le ñi nashi quiyi Babilonia.

Jeremías 38:2

—Ñi qara'gaxala' 'naac: Cá'maq no'ueenañi quena na'a' lodegaxat, ca' ileu ma'le queca lauataq loqo'm quena lqopaaxa loqo'm quena ne'ne'. Qam cá'maq nañaañiguit ma'le ca caldeoipi, ca' nca'leuec.

Romanos 12:16

Ỹaatqajam necoñii'jta' queda nachaalataxaguii. 'Neeto' qamiri nemaqajnaxahi', ta'ta'a quiyim naloqojñita'ta' da re'xoriguii. 'Neeto' lotqai 'neetapigui qavillii quiyim qamiri 'deenaxanqachaqaqa.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”