Jeremías 44:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' chaqaida 'neeta ỹim na'gaxala' sqaica lqalanec, ỹim qota'olec queso Israel, shinac: ¿Chi'negue ma' 'viichii quiyim taalgoto qamiri sojo chalego lecaic la'aaxa? ¿Chi'negue ma' 'viichii quiyim ileu ná'ogue na qom quiyi Judá, ỹale, 'aalo, chaqai na noctoqui' chaqai vire'ta na chita'gue ne'qaañi, ca vire'ta qaica ca no'ueenañi?

Jeremías 44:7 Iomraidhean Croise

Proverbios 1:18

ca' najo ỹalliripi ỹo'uet aca loqoina, qam chi noqointeguelta', chaqai 'xoic da lichic quedá'maq chi nachaalataxac.

Jeremías 26:19

Ca' so nashi Ezequías chaqai sá'ogue so qomyipi quena Judá, ¿'uo' ca 'ne'tegue na'le so Miqueas? 'E', ta'ta'a quiyim so nashi 'ue da lqolonaxa quiñi qara'gaxala', ca' rashiilaxan quiyim qanqouaguegue so qomyipi. Ca' ñi qara'gaxala' se nela' só'maq ỹahotaque taalec nqai'en. Ca' ¿qomi' sahoqotaco' quiyim ñiỹoxosqalta' queda chalego lecaic nasauaxaset?

Jeremías 38:17

Ca' so Jeremías 'naaco' na'le queso Sedequías: —Ñi qara'gaxala' qaica lqalanec, ñí'maq qota'olec queso Israel, 'naac: No'm nañaañi' quena lashillipi na nalliripi ñi nashi quiyi Babilonia, qami' chaqai na qachaalaxai'ipi, ca' rca'llirec, ca' najo na'a' lodegaxat se qaicopata'a.

Jeremías 42:20

Ca' qamiri nauá'maq ỹaatqajam 'ue da ro'maxaguii lodegaxat, ma' qamiri nauá'maq 'ñiỹac quiyim sashiilaxanlgoto quiñi qara'gaxala' ñí'maq qota'olec caqamiri na' 'ñiỹac shiilaxañirelgoto qomi' quiñi qara'gaxala' ñí'maq qota'olec coqomi', ca' qara'deenaxanaxañitegue cá'ogue cá'maq 'naac ñi'maxare, ca' qomi' so'ueetaq ma'le.

Jeremías 44:14

Qaica quet cá'maq nañit quiyim nca'leuec quesá'ogue só'maq chicqa'ñi yi Judá taigue da Egipto, 'eno'm ỹahotaque rapila quiyim na'ñi yi Judá, se rapila, ta'ta'a ná'maq nemootauec pil.

Jeremías 44:8

¿Chi'negue ma' yo'ooqochichii quedá'maq ro'ueenataxanaxaguii chaqai 'viichii na richiinaxanaxachii quena ỹoqa'a qota'olqaipi quena Egipto ná'maq naguipegue' quiyim ñiỹa'ñi? Ca' quedajo, ca' viitaque cá'maq chi relauaxahi, ca' ñigui quiyim qamiri naloqojnaxanaxaqui' quiyim 'ue ca qaỹa'xat se no'uen queca qom chaqai qamiri ne'naqa quená'ogue na ỹoreta'oguit qomyipi quena 'laua.

Josué 6:21

Ime, ca qanalauajñi, qaỹahote'e na lecat, na ỹalliripi chaqai na 'aallipi, ne'naqaipi, chaqai na qo'xoiquipi, vire'ta na ñii'lolaipi, na qagretaipi, na 'ashinyipi, ná'ogue qanomachichiguiñi.

1 Samuel 15:3

Ca vichiguiño' nagui quirepegue', nalauachire'e'; qam ỹaatqajam nomachichiriñi, liỹa'ñi' nqai'ñi' ná'ogue na lalamaxareteripi; lauachi' na ỹalliripi, 'aallipi, ñaaqaipioqui', vire'ta na chita'gue ne'qaañi, chaqai na toorollipi, qagretaipi, nauaanaxanaxa late'ellipi chaqai na 'ashinyipi.