Jeremías 44:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ma' ỹim seloqota'a ma'le quiyim sa'ue ca le'xoric ná'ogue na Judá laseripi neeta'ñi na Egipto, mesqai ca iqouagaxa. Ná'ogue qaỹalauat ma'le queca lauataq loqo'm quena lqopaaxa.

Jeremías 44:27 Iomraidhean Croise

2 Reyes 21:14

Ca cá'maq no'ueenañi quena ỹalamaxareteripi, ca' shica'e, ca saañiguit na npa'guenaxaua, qaiyi qanouo', qaicona ná'maq hueeto'ot na'maxare.

Jeremías 1:10

Sellaugui na qadapi' naua ỹa'qaatqa. Nagui, ca' saañiraxarom da nquesaxanaxa napacalec na nashillipi chaqai na ỹoreta'oguit qomyipi, qaiyi pogoxoñi' chaqai maqairiñi, poxoỹaxachirigui chaqai huagaxachirac, chaqai qai'neeta quiyim no'xoñirishiguim chaqai danaxañi'.

Jeremías 42:16

ca' ca lauataq chaqai ca nqopaaxa ro'chiitaque qaiyiita ỹovitalo qamiri ma'le, ca' rillivii.

Jeremías 44:12

Ca' ỹim so'uet quiyim ná'maq no'ueenañi quiyi Judá, ca' ỹahotaque taigue da Egipto, ca cá'ogue qanalauajñi: na noctoqui', vire'ta ná'maq lodegaxat ileu ma'le queca lauataq loqo'm queca lqopaaxa. Ca ma'le, ca' ñigui quiyim naloqojnaxanaxaqui' quiyim 'ue ca qaỹa'xat se no'uen queca qom chaqai da ne'naxaguii quena qom ỹo'uet ca nqolonaxa.

Jeremías 44:13

Sa'ue ca nouaxanaxaset ná'maq neeta'ñi yi Egipto, 'nejem nqaishin da nouaxanaxaset yi Jerusalén, sahote'e ca lauataq, ca nqopaaxa chaqai ca ne'ne'.

Jeremías 44:14

Qaica quet cá'maq nañit quiyim nca'leuec quesá'ogue só'maq chicqa'ñi yi Judá taigue da Egipto, 'eno'm ỹahotaque rapila quiyim na'ñi yi Judá, se rapila, ta'ta'a ná'maq nemootauec pil.

Jeremías 44:18

Qam na' saxanaxañi quiyim sahoqe na qarichiinaxanaxat chaqai na qarachitaxanataxanaxat lataxa cañi qarashiila lashi na piguim, ca' qaica ná'ogue coqomi', chaqai na qouo' ỹalauat na lqopaaxa loqo'm ileu quena lauataq.