Jeremías 44:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Qam ñaq na'xaỹaxañiñi qamiri qomyipi ñiỹa'ñi na'le yi Judá, quená'maq mashic neeta'ñi na Egipto quedá'maq ỹim na'gaxala' shinac caqamiri: Saanec da ỹa'qaatec ñallitalta' queda qaica ca 'nejem ỹeenaxat, quiyim qaica quet cá'maq no'maqajnauec da ỹeenaxat quená'maq na'ñi yi Judá quena Egipto quiyim 'naac: Ñallitalta' queda nachaalataxac ñi qara'gaxala'.

Jeremías 44:26 Iomraidhean Croise

Génesis 22:16

Ca 'naaco' queso'maxare: —Ñí'maq qara'gaxala' 'naac: Ma' qami' 'viichi' dajo, chaqai quiyim se rauochitegue caỹim ñi 'oonoqui' qachaalqui', ca' nagui saanec da ỹa'qaatec ñallitalta',

Salmos 50:16

Qam quecá'maq hualoxonaq, ca' ñi qota'olec 'naapega: ¿Chi'negue ma' 'quiiseguelgoto naua ỹaqataxaco loqo'm 'xachisac da ña'maqataxac,

Isaías 62:8

Ñi qara'gaxala' nallitalta', ỹaanec da la'qaatec, nanojshiguim da loic, ca 'naac: Tot qaica ma' liỹa quet quiyim saxanegue quiyim ỹa'ic na qadañicshiqui' trigo na npa'guenaxaua'e'ipi chaqai na ỹoqa'a na chicqa'gue quiyim ni'chigui ná'maq chi ro'ueenachiqui' lataxa;

Jeremías 44:11

Vichiguiño' ỹim na'gaxala' qaica lqalanec, ỹim qota'olec queso Israel, shinac caqamiri: Ỹim sahotaque sa'ue ca senaxalec se no'uen qamiri, ca' ñalauajñi ná'ogue na llaalqaipi so Judá.

Jeremías 44:14

Qaica quet cá'maq nañit quiyim nca'leuec quesá'ogue só'maq chicqa'ñi yi Judá taigue da Egipto, 'eno'm ỹahotaque rapila quiyim na'ñi yi Judá, se rapila, ta'ta'a ná'maq nemootauec pil.

Jeremías 44:24

Ca' so Jeremías 'naaco' quesá'ogue so qomyipi, qam ỹapaquetec quena 'aallipi: —Na'xaỹaxañiỹa da la'qaatec ñi qara'gaxala', qamiá'ogue qomyipi Judá laseripi ñiita'ñi na Egipto.

Jeremías 7:9

Ocachii, lauataxañii, niyiquiñii, se ipaguigui quena' 'ue da 'xachii, 'ỹaañiỹot na richiinaxanaxachii ñi nashiilec Baal, chaqai 'yiỹoto naua re'cootallii na 'naac qota'olqaipi sqa 'iỹapegueu'a.

Amós 8:7

Ñi qara'gaxala' qota'olec, ñí'maq qaimaqachin na'le queso Jacob, ỹaanec da la'qaatec quiyim qaica ma' ỹa'laxate quet dá'maq se no'uen 'neetari' na qomyipi.

Números 14:28

Ca' qami' 'xachitem na'maxare da ỹa'qaatec, 'neetasa': Ỹim ná'maq ỹim na'gaxala' ñallitalta' quedá'maq chi ñachaalataxac quiyim ỹim sopilaxajlec taalec nqaishin dá'maq sa'xaỹa 'naac caỹim.

Hebreos 3:18

Chaqai ¿nega'ỹo' cá'maq 'naapego' na'le ñi qota'a quiyim se inoxona'a ma'le ñi'maxare quiyim nco'mataxaua? Sá'ogue só'maq se na'xaỹaxan.

Hebreos 6:13

Ma' ñi qota'a na' 'ue da ỹachaxan queso Abraham, quiyim i'taxajñi, ca' ñi'maxare chi nanecalta', ma' qaica quet cá'maq liỹa paguec lecaic quiyim ỹiga quet.

Hebreos 6:18

Ca' chaqaida dá'maq 'neeta quiyim 'vii naua dos quiyim se ishit quiyim 'ue ca qaỹadalaxat, ca quenaua'maxare, ca ñi qota'a se ishit na'majan. Ca' quedaua'maxare, ca' ñi qota'a ỹo'uet quiyim ỹa'maxaguilo qovilli', ca ña'ñaxatqachiguiñi, ma' mashic shi'gue sedaanqataque quiyim quepaqataxanlgoto qomi', ca' seuaqlec quedá'maq qanaquitaxac ỹaanema qomi'.