Jeremías 44:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' so Jeremías 'naaco' quesá'ogue so qomyipi, qam ỹapaquetec quena 'aallipi: —Na'xaỹaxañiỹa da la'qaatec ñi qara'gaxala', qamiá'ogue qomyipi Judá laseripi ñiita'ñi na Egipto.

Jeremías 44:24 Iomraidhean Croise

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

Isaías 1:10

Qamiri nashillipi quena Sodoma, na'xaỹaxañiỹa da la'qaatec ñi qara'gaxala'; qamiri qomyipi quena Gomorra ỹaatqajam na'xaỹaxañiichiguiñi quedá'maq lapaxaguinataxanaxac ñi qota'olec.

Isaías 28:14

Vichiguiño' ñaq na'xaỹaxañiỹalo naua la'qaatqa ñi qara'gaxala', qamiri ỹalliripi se ra'maqataxan, qamiri lashillipi na qomyipi quena Jerusalén.

Jeremías 42:15

ca na'xaỹaxañiñi qamiri ná'maq ro'viiñiỹalec na Judá dá'maq ỹa'xat nagui ñi qara'gaxala' qaica lqalanec ñí'maq qota'olec quena Israel, 'naac: No'm qamiri viitaque 'iigue da Egipto,

Jeremías 43:7

Qaica ca na'xaỹaxana da la'qaatec ñi qara'gaxala', ca' sá'ogue so'maxare taigue da Egipto, ca ỹoviro'o' na'le yi na'a' lodegaxat Tafnes.

Jeremías 44:26

Qam ñaq na'xaỹaxañiñi qamiri qomyipi ñiỹa'ñi na'le yi Judá, quená'maq mashic neeta'ñi na Egipto quedá'maq ỹim na'gaxala' shinac caqamiri: Saanec da ỹa'qaatec ñallitalta' queda qaica ca 'nejem ỹeenaxat, quiyim qaica quet cá'maq no'maqajnauec da ỹeenaxat quená'maq na'ñi yi Judá quena Egipto quiyim 'naac: Ñallitalta' queda nachaalataxac ñi qara'gaxala'.

Ezequiel 2:7

Qami' 'ñirapega dá'maq shinac, no'm na'xaỹaxan loqo'm se na'xaỹaxan, ma' ỹaatqajam npa'guenaxairipi yi'maxare.

Amós 7:16

Ca vichiguiño' nagui, ca na'xaỹaxañita da la'qaatec ñi qara'gaxala'. Dajo dá'maq 'ñirac qami': Totaxan 'ue ca 'xachi' quenaua la'qaatqa ñi qota'olec ỹadentalec na Israel chaqai qaica ca 'ñirac quiyim qaỹadentalec na llaalqaipi so Isaac.

Mateo 11:15

Ca cá'maq ỹa'den da na'xaỹaxanaxac, ca no'uen quiyim ỹa'maxate'tegue da na'xaỹaxanaxac.