Jeremías 44:21 - La'qaatqa ñi qota'olec Qota'olec & Qota'olec Novita Na Qomyipi

²¹ —¿'Neetapiguio' qavillii quiyim ñi qara'gaxala' se ỹa'den dajo loqo'm quiyim coua'e quiyim qamiri loqo'm so 'auaxaic qataa'illipi, so nashillipi, so na'gaxalateripi, chaqai ná'ogue na qomyipi viitaque na richiinaxanaxachii chaqai 'ỹaañitacot na rachitaxanataxanaxachii na liỹa 'ñiitapega qota'olqaipi quenaua na'aateripi quiyi Judá chaqai quenaua nayico quiyi Jerusalén?

Jeremías 44:21 Iomraidhean Croise

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

Isaías 64:9

Qami' qara'gaxala', totaxan queeta da qavilli' coqomi', chaqai totaxan se neme o'lliinchisapigui naua qaro'maxasete'. ¡'Anta, qomi' ralamaxarichichi'!

Jeremías 14:10

Ñi qara'gaxala' 'neetasa' da la'qaatec, taỹaugui na llaalqaipi so Israel: Najo qomyipi nemeeten quena taaguilo. Vichiguiño' se yqo'ta. Nagui, ca ño'uenegue na lasauaxaseteripi, ca' so'uet ca nouaxanaxaset na'maxare.

Jeremías 44:17

Ta'ta'a quiyim qolqatalec dá'maq so'ueetqatac, qolqatalec quiyim sahoqotaque na qarichiinaxanaxat chaqai ana qarachitaxanataxanqate quena lataxa cañi qarashiila lashi na piguim, dá'maq chaqai'en shinqatari', dá'maq chaqai 'neesari' saua 'auaxaqa qareta'al chaqai so qarashillipi chaqai so qara'gaxalateripi quiyi na'aateripi quiyi Judá chaqai quenaua nayico quiyi Jerusalén. Ma' queso 'xoic na qonoq, qara'maqachiguiñi, chaqai qaica ca qare'xoric.

Jeremías 44:20

Ca' so Jeremías 'naaco' quesá'ogue so ỹalliripi chaqai so 'aallipi 'ue dá'maq 'naac queso'maxare:

Jeremías 44:9

¿Mashic shi'co' couahi'e dá'ogue dá'maq se no'uen ỹo'ueetetac na'le so 'auaxaic qataa'illipi chaqai ná'maq ỹo'uet na'le so nashillipi quiyi Judá, chaqai so louaaripi, chaqai qamiri, chaqai caná'maq rouahi ỹo'uet quiyi 'laua Judá chaqai quenaua nayico yi Jerusalén?

Ezequiel 16:24

ca no'ueenaxachirelec quená'ogue ná'maq 'ue na no'ueenejlec quiyim nqouagaxaiñitot na nashiilec nqolaquipi, ca' quirelec da nedequenaxaqui'.

Amós 8:7

Ñi qara'gaxala' qota'olec, ñí'maq qaimaqachin na'le queso Jacob, ỹaanec da la'qaatec quiyim qaica ma' ỹa'laxate quet dá'maq se no'uen 'neetari' na qomyipi.

Apocalipsis 16:19

Só'maq chalego lecaic na'a' secta'chi, tres lahil nqohin. Chaqai ná'ogue na na'a' quena 'laua ná'ogue 'guiñi. Ca' ñi qota'a ỹo'leenta'a so chalego lecaic na'a' Babilonia quiyim 'ec ne'taxañigui ca nouaxanaxaset cá'maq nelata na'le ñi'maxare na' ro'o.

Apocalipsis 18:5

Ma' lapootañi na lasauaxaset ỹovirashiguim quena piguim. Ca ñi qota'a ỹo'leenta'a ná'maq se no'uen ỹo'ueetetac yi'maxare.

1 Samuel 15:3

Ca vichiguiño' nagui quirepegue', nalauachire'e'; qam ỹaatqajam nomachichiriñi, liỹa'ñi' nqai'ñi' ná'ogue na lalamaxareteripi; lauachi' na ỹalliripi, 'aallipi, ñaaqaipioqui', vire'ta na chita'gue ne'qaañi, chaqai na toorollipi, qagretaipi, nauaanaxanaxa late'ellipi chaqai na 'ashinyipi.