Jeremías 44:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ta'ta'a quiyim qolqatalec dá'maq so'ueetqatac, qolqatalec quiyim sahoqotaque na qarichiinaxanaxat chaqai ana qarachitaxanataxanqate quena lataxa cañi qarashiila lashi na piguim, dá'maq chaqai'en shinqatari', dá'maq chaqai 'neesari' saua 'auaxaqa qareta'al chaqai so qarashillipi chaqai so qara'gaxalateripi quiyi na'aateripi quiyi Judá chaqai quenaua nayico quiyi Jerusalén. Ma' queso 'xoic na qonoq, qara'maqachiguiñi, chaqai qaica ca qare'xoric.

Jeremías 44:17 Iomraidhean Croise

2 Reyes 17:16

Ỹaxanñi ná'ogue na lelaataxanaxaquipi ñi la'gaxala' qota'olec. Ca' icaxajñi na bronce, ca' ỹo'ueete' saua dos huaqui llaalqa ỹauaapigui lashiilqa chaqai so lqui'i aso Asera. Chaqai qai'neeta nqouagaxaintacot ná'ogue na 'ue na lauaq neeto'ot na piguim chaqai so nashiilec Baal.

2 Reyes 22:17

Ma' na'maxare yalat na'le, ca ỹavigaxatetac na lichiinaxanaxat quiyim ỹaantacot na nashiilec nqolaquipi, ca' ỹaatqajam yo'ooqochit quená'ogue ná'maq ỹo'ueetetac. Ca vichiguiño' 'eco' ỹachipina'a da ỹonogoxonaxac quenajo 'laua, ca da'maxare qaica ca nemanñi nqai'en.

Éxodo 16:3

Ca 'naaco' quen so qomyipi: —¡Saxanchi' ñi qara'gaxala' ileue' nqai'ne' qomi' na'le quiyi Egipto! Na' senqata'ñi quen yí, ñqa'xanqata'ñi' quen aca qana'ueena no'qaachigui quena la'at, chaqai ỹaatqajam qarquema' quena' squi'ỹaq, qam qamiri naviguiu'galo qomi' najo 'laua qaica qom, ma' viitaque qomá'ogue qaralauat qarqopaaxa.

Jeremías 1:16

Dajo dá'maq nouaxanaxaset so'uet ma'le sauaxat da lasauaxaset, ma' yalat ca'e aỹim na' copata'a na lichiinaxanaxat chaqai ỹa'dooto naua le'cootal na 'naac qota'olqaipi, chi lo'ueenatec yi'maxare.

Jeremías 19:13

Na 'imqaipi quena Jerusalén chaqai na lauo' lodegaxat na lashillipi yi Judá yí'maq hua'ñi quena' qaỹo'uet na nichiinaxanaxat, qoỹaanot na neeto'ot na piguim chaqai ỹocoraxatetac na lachitaxanataxanaxat lataxa quena liỹa 'neetapega qota'olec, ca' ná'ogue qohinta'gue ca napio'o, 'nejem yi Tofet.

Jeremías 44:21

—¿'Neetapiguio' qavillii quiyim ñi qara'gaxala' se ỹa'den dajo loqo'm quiyim coua'e quiyim qamiri loqo'm so 'auaxaic qataa'illipi, so nashillipi, so na'gaxalateripi, chaqai ná'ogue na qomyipi viitaque na richiinaxanaxachii chaqai 'ỹaañitacot na rachitaxanataxanaxachii na liỹa 'ñiitapega qota'olqaipi quenaua na'aateripi quiyi Judá chaqai quenaua nayico quiyi Jerusalén?

Jeremías 44:25

Ñi na'gaxala' sqaica lqalanec, ñí'maq qota'olec queso Israel, 'naac: Qamiri 'aallipi ma' 'viichii dá'maq 'xachitac. 'Ñiỹac quiyim mashic 'ỹaañiuec ca ra'qaachiguii quiyim 'viichii ca lichiinaxanaxat chaqai rachitaxanataxanaxachii lataxa cañi rashiilahi lashi na piguim, chaqai pacqajñichigui dá'maq mashic 'ỹaañiuec ra'qaachiguii. ¡Hua', ỹa'maqachiguiñi, pacqajñichigui chaqai 'viichii cá'maq 'ñiỹaco' na'le!

Jeremías 44:9

¿Mashic shi'co' couahi'e dá'ogue dá'maq se no'uen ỹo'ueetetac na'le so 'auaxaic qataa'illipi chaqai ná'maq ỹo'uet na'le so nashillipi quiyi Judá, chaqai so louaaripi, chaqai qamiri, chaqai caná'maq rouahi ỹo'uet quiyi 'laua Judá chaqai quenaua nayico yi Jerusalén?

Ezequiel 8:16

Ca na'le, ca' yauega'a yi pa'aauo nasoxoc ñi no'ueenaxanaxaqui quiñi qara'gaxala', ca quena' qainoxona'a yí'maq ỹaatqajam co'teeta, nqai'queetañi reloqota'gue da lqodoigue 'uo' ca veinticinco so ỹalliripi ỹodootañi na latap hueetañiguilo naua lavinñi' saua nasoxoc chaqai aso ncopatoxonaxalate, nqouagaxaintacot añi ra'aasa.

Marcos 6:26

Ca' so nashi ỹaatqajam 'ue na lachicoxo. Qalaxam mashic ỹaanec da la'qaatec quiyim 'naac ipacqajanchigui, chaqai mashic qara'qaachigui queso lqui'ỹaxauaripi. Ca' se ishit quiyim ỹopilaxatauec dá'maq nashiilaxanaxac.

Filipenses 3:19

Ca ma' ỹovita ca lqodoc, ca qaiqa'viỹa'gue na'maxare ma'le. Ma' chaqai queeta'pegue' ná'maq chi lamaanaxanqachic na loshicmaxa, chaqai nemaqajanlec ná'maq ỹo'uet quet ca layiloxo, chaqai qainaata ỹa'deentapega ná'maq hueetalec na 'laua.

1 Pedro 1:18

Ma' ñi qota'a naqata'alo qamiri quedá'maq qaica ca 'negue chaalataxac no'ueenauguilo qamiri queso 'auaxaic qataa'illipi. Chaqai qamiri ỹaatqajam 'yiiñita dá'maq lesega'a dá'maq rca'laxahi se laseuete nqohin cá'maq tai'a quiyim imeuo, 'nejem aca 'oro loqo'm aca plata,