Jeremías 44:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ —Qomi' se ña'xaỹaxanaxa da nodo'e' qara'xaỹaxac chicqo'ot ñi qara'gaxala'.

Jeremías 44:16 Iomraidhean Croise

Salmos 2:3

Ca' ỹaualqatagui, 'naac: ¡Ñaqataq na lequeetenaxanqateripi coqomi'! ¡Ñosoqa'ahi naua lcoñiitaxanqate'!

Éxodo 5:2

Qam so Faraón 'naaco': —¿Negue' cá'maq ra'gaxalari quiyim ña'xaỹaxana, ca' saxanec quiyim eec na Israel llaalqaipi? Se seuanapega cá'maq na'gaxala', ca' sqai saxanec quiyim eec na Israel llaalqaipi.

Proverbios 1:24

Ỹim soỹaxanalo qamiri, sale' qamiri quiyim nahiquena, qam qamiri se na'xaỹaxañiua'.

Jeremías 38:4

Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Jeremías 42:13

Qam no'm qamiri sqai 'maxariñii ñiitalec najo 'laua, ta'ta'a quiyim se na'xaỹaxañiỹa ñi qara'gaxala' qota'olec,

Jeremías 43:2

ca' so Azarías, só'maq llaalec so Osaías, so Johanán só'maq llaalec so Carea chaqai saua liỹa' ỹale' nemaqajnaxaqa 'nerac queso Jeremías: —¡Qami' quedá'maq 'ñirac na'majñisac! Ñi qara'gaxala' ñí'maq qota'olec coqomi' mesqai 'naapega qami' quiyim sqai saxague da Egipto.

Jeremías 44:24

Ca' so Jeremías 'naaco' quesá'ogue so qomyipi, qam ỹapaquetec quena 'aallipi: —Na'xaỹaxañiỹa da la'qaatec ñi qara'gaxala', qamiá'ogue qomyipi Judá laseripi ñiita'ñi na Egipto.

Jeremías 44:25

Ñi na'gaxala' sqaica lqalanec, ñí'maq qota'olec queso Israel, 'naac: Qamiri 'aallipi ma' 'viichii dá'maq 'xachitac. 'Ñiỹac quiyim mashic 'ỹaañiuec ca ra'qaachiguii quiyim 'viichii ca lichiinaxanaxat chaqai rachitaxanataxanaxachii lataxa cañi rashiilahi lashi na piguim, chaqai pacqajñichigui dá'maq mashic 'ỹaañiuec ra'qaachiguii. ¡Hua', ỹa'maqachiguiñi, pacqajñichigui chaqai 'viichii cá'maq 'ñiỹaco' na'le!

Daniel 3:15

¿Qamiri shichita quiyim ma' 'xaiỹaque ca niviiguellipi, ca 'chiiñi naua re'cootallii quiñí'maq selaataxanlec quiyim qaỹo'uet chaqai nqouagaxaiñiỹot? Ma' no'm se nqouagaxaiñiỹot, ca' nagui chaqa'ma' qainaxarougui qamiri ñi nqatelaxanaxaqui ỹaviquetaugui. Ca ¿negue' queto' ca qota'olec rca'laxachiiuec?

Lucas 19:14

Qam so qomyipi chi la'a' sojo 'laua ỹaatqajam ro'ỹa so'maxare. Ca' qaỹa'vio' saua qailate' coỹaresalec so'maxare quiyim qohinac: “Qomi' se sa'maxarenaq quiyim qarashi najo ỹale.”

Lucas 19:27

Qam ná'maq ñpa'guenaxauaripi ná'maq se ỹa'maxaren quiyim aỹim nashi, ca' naviguiu'a aỹim, ca' lauachii ma'le quena seloqota'ñi.”

1 Samuel 8:19

Qam so qomyipi 'ec sqa 'xaỹa dá'maq 'naac so Samuel. Ca 'naaco': —'Eno'chaqai, qam qomi' sahoqotaque ca qarashi,