Jeremías 44:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca vire'ta nagui chaqaidaata dá'maq 'ñiitari', chaqai qaica ca rqolonaxahi, chaqai sqai quiilgoto naua ỹapaxaguinataxanaxaco chaqai naua ỹaqataxaco saanema na'le qamiri chaqai so 'auaxaic qataa'illipi.

Jeremías 44:10 Iomraidhean Croise

1 Reyes 21:29

—Ca' ¿huañichirigui ñi Acab quiyim neneequesene'tot aỹim? Qam nagui, ma' neneequesene'tot aỹim, ca' se sa'ue ca nouaxanaxaset na llaalqaipi nagui ma' ñaq nca'leetauec ñi'maxare. Qam dajo so'uet ma'le ma' ñaq nca'leetauec ca llaalec.

2 Reyes 22:19

chaqai ma' 'ue da rachitachiqui', ca nañaañitot aỹim na' 'qa'italo naua ỹa'qaatqa quedá'maq silliitalec na 'laua chaqai quená'ogue ná'maq neetalec, taỹa'a quiyim qanopoxoỹaxajñi chaqai quiyim qaỹa'ue da nouaxanaxaset, chaqai quiyim nasectaxachira'ahi naua qatoohi', chaqai seuanchigui qami' quiyim noỹiñi', vichiguiño' ỹim qai'neeta ña'xaỹaxana qami'. Ỹim na'gaxala' shinac dajo.

Salmos 51:17

Aca nachitaxanataxanqate quiñi qota'olec chaqaica ca na'deenataxanaxac 'xoic da nqui'ic; ¡qami' qota'olec se liỹoqoira'piguit aca ne'taxanata neneequesenta!

Éxodo 10:3

Ca' so Moisés chaqai so Aarón querepegue' so Faraón, ca 'neraco': —Ñi qara'gaxala' ñi qota'olec quena hebreoipi 'naac: ¿Chi' laquio' quiyim niñiiquishiñi' caỹim? 'Xañirec na ỹalamaxareteripi, qaiyi nqouagaxainot aỹim.

Éxodo 9:17

Qam qaiyiita quedá'ogue dajo, ñaq quepaqchisa'piguit na ỹalamaxareteripi, ca sqai 'xañirec quiyim eec.

Éxodo 9:30

Qam ỹim ỹaatqajam sa'deenta quiyim qami' chaqai na rotaua'e'ipi se no'cha'a ñi qota'olec ñí'maq qara'gaxala'.

Jeremías 26:4

'Ñirapega quiyim ỹim, ỹim na'gaxala', shinac: No'm se na'xaỹaxañiua' chaqai se ipacqajñiguilo naua ỹapaxaguinataxanaxaco saanema,

Jeremías 36:24

Ca' so nashi chaqai vire'ta so lotauaripi, só'maq 'qaatapega sá'ogue só'maq qaretaqateguelec, ỹaatqajam qaica ca lqolonaxa chaqai ñaqai 'ue quet ca nqui'ic nqai'en.

Jeremías 44:23

Dajo re'xoriguii viriỹa'guit nagui chicqochigui dá'maq quiyim qamiri viitaque na richiinaxanaxachii, 'ỹaañitacot na ỹoqa'a 'ñiitapega qota'olqaipi, ca' hueeto'ot da rasauaxashichii ñi qara'gaxala', chaqai ma' se na'xaỹaxañiỹalo naua lapaxaguinataxanaxaco, naua laqataxaco chaqai sqai machiguilo naua lelaataxanaxaco.

Ezequiel 9:4

Ca 'naapega: Quirougui na na'a' lodegaxat Jerusalén, ca' vite ca retanqui' quena latap cá'maq 'ue ca lachicoxo chaqai da nqui'ic quená'ogue ná'maq qanaqaica'a qaỹo'ueetetac quiyi'maxare.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Lucas 23:40

Qam so liỹa retaxaỹa'a so nauegaxaua, ca 'naapego': —¿Sqaico' ca rqolonaxa'e' quiñi qota'olec? Ma' qami' chaqai 'ñiite' malam nouaxanaxaua'e' ñi'maxare.

Romanos 11:20

Ajá'a, ỹa'maqachiguiñi. Qam qaỹouaxandec, ma' sqaica ca lpi'ỹaxague', ca qami' 'ue ca romachi' ma' 'ue da rpi'ỹaxaqui'. Ca vichiguiño' se nemaqajñi'. Ta'ta'a quiyim richillirañi.

1 Pedro 5:6

Ca niñiiquishiñii, 'guiñiỹoto naua laua' ñi qota'olec maq sqaica lqalanec, qaiyi ñi'maxare ỹalamaxachiñi qamiri ma' ỹovita ca laloqo'.

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.