Jeremías 43:3 - La'qaatqa ñi qota'olec Qota'olec & Qota'olec Novita Na Qomyipi

³ So llaalec so Nerías, leenaxat Baruc, chaqaiso só'maq 'naapega qami' quiyim 'ñirapogoxoua', ma' ỹahotaque qomi' loxonqa na caldeoipi, ca' qaralauajñi loqo'm qare'xat queda Babilonia.

Jeremías 43:3 Iomraidhean Croise

Jeremías 36:10

Ca' so Baruc quepegue' yi paguec pa'aauo nasoxoc añi no'ueenaxanaxaqui quiyi ñigo quiñi qaỹamata'gue dalaxaic lasom, ca' quiñi lauo' so Gemarías só'maq llaalec so Safán, só'maq lere lo'o, ca retaqalec aso lere hueesalec saua la'qaatqa so Jeremías, 'qaatac nqai'en sá'ogue so qomyipi.

Jeremías 36:26

Ta'ta'a quiyim ỹilen so Jerameel só'maq 'auaxaic nashi llaalec chaqai so Seraías, llaalec so Azriel, chaqai so Selemías, llaalec so Abdeel, quiyim qaiconlec so Jeremías chaqai so leraxanqajnec Baruc. Qam ñi qara'gaxala' ỹoxochiñi.

Jeremías 36:4

Co'na'le, ca' so Jeremías roỹaxana so llaalec so Nerías, leenaxat Baruc, ca 'naapega quiyim ỹiriñi dá'ogue dá'maq 'naac ñi qara'gaxala', ca' so Baruc ỹiriñi caso lere.

Jeremías 38:4

Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Jeremías 43:6

ỹalliripi, 'aallipi, na ñaaqaipioqui', so llaallipi so nashi chaqai sá'ogue só'maq qomyipi quiyim so Nabuzaradán, só'maq lashi na neloxoỹaripi, so'maxare ỹamaxalec so Gedalías quiyim reloqota'a, vire'ta so Jeremías chaqai so Baruc.

Lucas 6:26

Chaqai 'xoraiquipiolec qamiri, ma' no'uen cá'ogue ca na'qaataxaguii, ma' chaqaida dá'maq 'neeta só'maq 'auaxaic leta'allipi na qomyipi, só'maq chaqai 'naac letaxaỹaxanqajnec ñi qota'a.