Jeremías 43:2 - La'qaatqa ñi qota'olec Qota'olec & Qota'olec Novita Na Qomyipi

² ca' so Azarías, só'maq llaalec so Osaías, so Johanán só'maq llaalec so Carea chaqai saua liỹa' ỹale' nemaqajnaxaqa 'nerac queso Jeremías: —¡Qami' quedá'maq 'ñirac na'majñisac! Ñi qara'gaxala' ñí'maq qota'olec coqomi' mesqai 'naapega qami' quiyim sqai saxague da Egipto.

Jeremías 43:2 Iomraidhean Croise

Génesis 19:14

Co'na'le, ca' so Lot quepegueto saua ladonaxanqa sauá'maq ỹahosaque loua' saua llaale. Ca 'naaco': —¡Ne'laxachishiguim, oquiỹe'e najo, ma' ñi qara'gaxala' nopoxoỹaxajñi ma'le najo na'a'! Qam saua ladonaxanqa se na'xaỹaxanta da 'naac so Lot.

Éxodo 5:2

Qam so Faraón 'naaco': —¿Negue' cá'maq ra'gaxalari quiyim ña'xaỹaxana, ca' saxanec quiyim eec na Israel llaalqaipi? Se seuanapega cá'maq na'gaxala', ca' sqai saxanec quiyim eec na Israel llaalqaipi.

Éxodo 9:17

Qam qaiyiita quedá'ogue dajo, ñaq quepaqchisa'piguit na ỹalamaxareteripi, ca sqai 'xañirec quiyim eec.

Jeremías 42:1

Sá'ogue so lashillipi so nouaataxanaq chaqai ỹalequeto so Johanán, llaalec so Carea, chaqai so Azarías, llaalec so Osaías, chaqai sá'ogue so qomyipi, noctoqui' chaqai qo'xoic, nqo'neu'a

Jeremías 42:20

Ca' qamiri nauá'maq ỹaatqajam 'ue da ro'maxaguii lodegaxat, ma' qamiri nauá'maq 'ñiỹac quiyim sashiilaxanlgoto quiñi qara'gaxala' ñí'maq qota'olec caqamiri na' 'ñiỹac shiilaxañirelgoto qomi' quiñi qara'gaxala' ñí'maq qota'olec coqomi', ca' qara'deenaxanaxañitegue cá'ogue cá'maq 'naac ñi'maxare, ca' qomi' so'ueetaq ma'le.

Jeremías 42:5

Ca co'na'le, ca saua'maxare 'neraco' queso Jeremías: —Ñi ra'gaxalachi' ñí'maq qota'olec caqami', chaqaiñi ñí'maq ỹaatqajam ỹauanchiguilo qomi' nagui, no'm se so'ueetaq cá'maq 'naac ñi'maxare nagui caqami'.

Jeremías 43:1

Ca co'na' so Jeremías ỹomat quiyim ỹa'xatetapeguem sá'ogue so qomyipi da la'qaatec ñi qara'gaxala' ñí'maq qota'olec quesaua'maxare,

Jeremías 44:16

—Qomi' se ña'xaỹaxanaxa da nodo'e' qara'xaỹaxac chicqo'ot ñi qara'gaxala'.

Santiago 4:6

Qam ñi qota'a quedá'maq chi lqouagaxa, ca' qarotauan. Ma' naua naneresañi na'qaatqa 'nerac: “Ñi qota'a reloxoiguit ca nemaqajnaxai, qam nqouaguegue ỹotauan ná'maq neneequesenaxai.”

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.