Jeremías 43:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' copata'a ma'le na lauootoripi na lashiilqaipi na Egipto chaqai na lqolaqaipi copata'a loqo'm i'xat 'ec la'ac. Co'taxat ma'le na na'laua na Egipto, 'nejem ca qagreta lo'o quena naqat na lapaxat na looỹac. Ca' ime, ca' eec qaica ca quepaxat.

Jeremías 43:12 Iomraidhean Croise

Ester 6:9

Ca nepo' chaqai ca shipgaq qoỹaanema ca 'óna quená'maq paguec lecaic quena nashillipi quena rotauachi'ipi, qaiyi ỹañiguilo caua noho cá'maq vi'saque maqachiñi', qami' qarashi, chaqai ỹauequeta ca lañaxala' cañi qom louoxoqui quena na'a' lodegaxat, ca ỹaualqata'pegue' 'aueta 'neeta'guesa': ¡'Eda qohinta'gue cá'maq ỹale cá'maq ỹahotaque imaqachin ñi qarashi!

Salmos 104:2

lepachisagui da lauaq 'ec napoxogui'i'. ¡Qami' piguiñirec na piguim, 'ec nqai'ñi' ca napoxonaxat!

Éxodo 12:12

Quecajo pe, ca' shiguelec yá'ogue yi Egipto. Ca' salauat ná'ogue ná'maq ỹi ñaalec quená'ogue ná'maq Egipto laseripi, chaqai ná'ogue ná'maq 'auaxaic llaalec na iseripi. Chaqai sa'ue ca nouaxanaxaset ná'ogue ná'maq lashiilec na Egipto laseripi. Ỹim ra'gaxalari shinac dajo.

Isaías 49:18

Ñaq namachirashiguim, ca 'ajñi' ná'maq sqo ỹoxe'oga caqami', 'ajñi' quiyim ná'ogue lapootaho, chaqai rapila qami'. Ỹim, ỹim na'gaxala', saanec da ỹa'qaatec, nallitalta', quiyim ná'ogue ma' rapil 'ec aca 'ueetqate quiyim ñi'riñi ma'le 'ec na no'ueetaxat acá'maq shiltapego.

Isaías 59:17

No'viichigui da lauegaxanaxac 'ec nqai'en aca lachiima lquepaqataxanqate, ỹañigui na lqahic 'ec nado'o nqai'en da nca'laxa, no'viichigui da quiyim ỹa'ue lovi' 'ec ca napoxoqui, ca lepachigui da lonogoxonaxac 'ec nqai'en ca lapo'.

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Isaías 61:5

Na ỹoqa'a chicqa'gue qomyipi reloxoỹa'a ma'le ana qalohi qagretaipi, na na'lauahi chaqai na qadanaxanqari 'uva loma'.

Jeremías 25:19

Vire'ta ñi'taxañigui ñi Faraón, nashi quiyi Egipto, chaqai na lotauaripi, na na'gaxalateripi, chaqai yá'ogue yí'maq chi lauo' laseripi,

Jeremías 43:13

I'guenaxajñi ada netana ladocai quiyi nqouagaxainqa' cañi ra'aasa na na'ñi yi Egipto, chaqai copata'alo naua lauooto' na lashiilqaipi yi'maxare.

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

Efesios 4:24

ca' ñiiñi dá'maq dalaxaic chaalataxac dá'maq ỹaatqajam chicqochigui da lo'ueenataxanaxac ñi qota'a, dá'maq ichoxot dá'maq ỹaatqajam 'maxaraic 'ueenataxac chaqai co'teeta.

Efesios 6:11

Quepaqataxañiỹalo naua'que nauá'maq ro'goxonqachiri ỹaanema qamiri ñi qota'a, qaiyi ralohita'pegue' na layinaxanaxaquipi so na'ỹaapec.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

Colosenses 3:14

Qam dá'maq ỹapacauec quená'ogue, quiyim 'xoic ca re'xorenataxanaxahi, ma' chaqaida dá'maq lapoonta' qamiri, chaqai nalogoñi nqai'en ná'ogue nanchaqaina.