Jeremías 42:2 - La'qaatqa ñi qota'olec Qota'olec & Qota'olec Novita Na Qomyipi

² so Jeremías, ca' qohinapego': —'Ue da sashiilaxanqaque caqami'; 'neeto' se na'xaỹaxañi': Nqouagaxaiñitot ñi ra'gaxalachi' ñí'maq qota'olec caqami' coqomi' sqo vito'olqai' qaro'ueenañi. Quesom qomi' 'xoic, qam nagui ñaqai 'ajñi' qomi' sqo vito'olqai'.

Jeremías 42:2 Iomraidhean Croise

Éxodo 8:28

Co'na'le, ca 'naaco' so Faraón: —Hua', ỹim saxanterec qamiri quiyim quiipegue' yi 'laua qaica qom, qaiyi vigaxachii aca rachitaxanataxanqachii, ca 'ỹaañiỹot ñi ra'gaxalari qota'olec. Qam 'neeto' paguec qoỹoqo'teguelo qamiri quenajo, chaqai nqouagaxaiñitalec aỹim qai'neeta.

Éxodo 9:28

Ma' mashic ỹapaguelec ana soxonaxa chaqai ana qalachi nela' ñi qota'olec. Ca' vichiguiño' nagui, ca' tot ñollirañi qamiri. Shiilaxañilgoto qomi' queca ra'gaxalari, ca' ỹim saxandec qamiri quiyim quiipegue' ca'maxare.

Isaías 1:15

Quena' nanochishiguim naua rqai'laqachiri, ca nqouagaxaiñii, ca' ỹim se ya'ỹiỹalo qamiri; 'eno'm shi'gom nqouagaxaiñitac, ỹim se ña'xaỹaxan. Ma' naua rqai'laqachiri 'ue na ralauachiguii leuoripi.

Isaías 1:9

Quetqai ñi qara'gaxala' qaica lqalanec sqaico' caua no'ueenaxaterañi coqomi', ca' nagui queta' shinqatari' yaua Sodoma chaqai yi Gomorra na' qanopoxoỹaxachiñi.

Jeremías 15:11

Ca' na la'qaatqaipi se no'uen imigui caỹim, qami' ỹa'gaxala', no'm se yaqamaq quedá'maq yilachirelec, no'm se sashiilatac aqami', sashiilaxanteguelec na ñpa'guenaxauaripi, na' 'ue da lasauaxac chaqai da lachitachic. (15.12-14 Qaỹa'xateta'guit da nouaxanaxaset yi Israel.)

Jeremías 36:7

Sqoue quiyim ỹashiila ñi qara'gaxala' chaqai ỹaxanñi da se no'uen lo'ueenataxanaxac ma' chalego lecaic dá'maq lonogoxonaxac ñi qara'gaxala' quiyim ỹadentalec na'maxare.

Jeremías 37:20

Ca' nagui qami' ỹashi, ñaq na'xaỹaxañirañi, ca 'viichi' dá'maq sashiilaxantaque sa'xat nagui. Totaxan yopilaxachira'a yi la'a' so Jonatán só'maq lere lo'o. 'Ase' no'm yileua'anyi.

Jeremías 37:3

Ca' so nashi Sedequías ila' so Jucal, llaalec so Selemías, chaqai so netaxaỹaxanqajnec Sofonías, llaalec so Maasías, quiyim querepegue' so Jeremías, ca 'nerapega: “Nqouagaxaiñirelgoto qomi' quiñi qara'gaxala' ñí'maq qota'olec coqomi'.”

Jeremías 38:14

So nashi Sedequías relaataxane'oga quiyim qaỹauego so Jeremías quiñaua tres lasomi' ñi 'imec lodegaxat no'ueenaxanaxaqui. Ca' quiyi, ca' so nashi 'naac queso'maxare, 'naaco': —Sa'ue da inataxanaxac caqami', qam sahotaque quiyim qamaxachite' ca lopilaxaset nqai'ñi'.

Jeremías 42:20

Ca' qamiri nauá'maq ỹaatqajam 'ue da ro'maxaguii lodegaxat, ma' qamiri nauá'maq 'ñiỹac quiyim sashiilaxanlgoto quiñi qara'gaxala' ñí'maq qota'olec caqamiri na' 'ñiỹac shiilaxañirelgoto qomi' quiñi qara'gaxala' ñí'maq qota'olec coqomi', ca' qara'deenaxanaxañitegue cá'ogue cá'maq 'naac ñi'maxare, ca' qomi' so'ueetaq ma'le.

Amós 7:2

Ca' seuana na' aso piñai ichiquetac, sham qo'oc ná'ogue aná'maq nanecse, ca' shinac: —¡Qami' ỹa'gaxala', totaxan quirapeguema qomi'! ¿Negue' quet cá'maq 'neeta quiyim qa'vi'ra'gue naua sqo vite' llaalqa so Jacob?

Mateo 24:22

Ca' ñi qota'olec quetqai se nqo'naxajta' cauajo na'xata', ca' qaica quet cá'maq ishit nca'leuec. Qam nqo'naxajta' ma'le, ma' i'xoren ná'maq lca'acseripi.

Hechos 8:24

Ca' so Simón 'naaco': —Nqouagaxaiñilec aỹim, shiilahi ñi qara'gaxala', qaiyi sqaica ca taalec aỹim quená'ogue nataq qaỹa'xachim.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.