Jeremías 42:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ ca na'xaỹaxañiñi qamiri ná'maq ro'viiñiỹalec na Judá dá'maq ỹa'xat nagui ñi qara'gaxala' qaica lqalanec ñí'maq qota'olec quena Israel, 'naac: No'm qamiri viitaque 'iigue da Egipto,

Jeremías 42:15 Iomraidhean Croise

Génesis 31:21

Ca' nemootauec, liỹaatec sá'ogue so na'aateteripi. Ca chita'gue, ca' ỹapacta aso lachiugue Eufrates. Ca queeta, taỹa'a yi quemaralequipi ladocai na'ñi yi 'laua Galaad.

Jeremías 27:8

Chaqai no'm 'ue quena ỹoreta'oguit qomyipi loqo'm quena lashillipi mesqai neneequesenot ñi nashi Nabucodonosor, ca' ỹim souaxan sahote'e ca lauataq, ca nqopaaxa chaqai ca ne'ne', chi ỹovireto'o' quiyim ná'ogue hueeta'ñot da lquesaxanaxa ñi'maxare. Ỹim na'gaxala', se'taxajñi dajo ỹa'qaatec.

Jeremías 42:17

Ná'ogue ná'maq ỹahotaque taigue da Egipto, ca ma' ỹovi', ca' ileu ma'le queca lauataq, da nqopaaxa chaqai da ne'ne'. Ca' qaica ca nca'leetauec; qaica ca qohit ma'le queda ne'xoric selatalo qamiri ma'le.

Jeremías 44:24

Ca' so Jeremías 'naaco' quesá'ogue so qomyipi, qam ỹapaquetec quena 'aallipi: —Na'xaỹaxañiỹa da la'qaatec ñi qara'gaxala', qamiá'ogue qomyipi Judá laseripi ñiita'ñi na Egipto.

Lucas 9:51

Ca co'na' tot qoỹoqaque quiyim so Jesús taigue da piguim, ca ỹa'ñaxachigui na lauel quiyim taigue da Jerusalén.

Deuteronomio 17:16

Qam cajo nashi se rishiujnaxanaque ca 'xoic shipiguiripi, chaqai se ila' ca qomyipi queda Egipto, ỹahotaque nqo'naxatec ca laloipi shipiguiripi. Ma' ñi qara'gaxala' 'neetasa' da la'qaatec caqamiri: Tot qaica ma' liỹa quet rapilliỹa'gue najo nayic.