Jeremías 42:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Totaxan ro'chiỹa ñi nashi quiyi Babilonia ñí'maq chalego da rqolonaxahi quiñi'maxare. Totaxan ro'chiỹa, ma' ỹim seuetauguilo qamiri quiyim ñca'laxachiuec, ca' se ỹovitalo qamiri da lquesaxanaxa. Ỹim na'gaxala', se'taxajñi da ỹa'qaatec.

Jeremías 42:11 Iomraidhean Croise

2 Reyes 25:26

Ca co'na'le, ca sá'ogue so qomyipi no'cha'a so caldeoipi, ca' eec, taigue da Egipto, ná'ogue na qo'xoic, noctoqui', chaqai vire'ta na nouaataxanaq lashillipi 'eet.

Salmos 118:6

Ñi qara'gaxala' iuora; ca qaica quet cá'maq yo'chiitaque. ¿Negue' quet ca 'ne'tegue aỹim ca qom?

Salmos 46:11

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Salmos 46:7

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 43:2

No'm quiriñigui ca huaxaỹaq, ỹim iỹaatac qami', loqo'm quiyim paquira'ta aca lachiugue, sqai homirac; loqo'm quiyim quiichiriñigui ca norec, qam se raviqui', qaica ca 'negue na lauaq caqami'.

Isaías 43:5

Totaxan ro'chi'i', ma' ỹim iỹaatac qami'. Chicqo'tegue da lqodoigue chaqai da lauashiguim yapilaxat ma'le na qauochi', ma' sahotaque llapoonta'.

Jeremías 1:19

Yi'maxare nco'ỹa'e' qami' ma'le, qam sqaica lovi', ma' ỹim seuetau'e rahi'i' ma'le, squepaqataxanlec qami' ma'le. Ỹim na'gaxala' qota'olec, saanec da ỹa'qaatec.

Jeremías 1:8

Qaica ca ro'chiraque, ma' ỹim seuetau'e ma'le na rahi'i', squepaqataxanteguelec qami'. Ỹim ná'maq ỹim ra'gaxalachi', saanec da ỹa'qaatec.

Jeremías 15:20

Ỹim so'uet ma'le quiyim quenajo qomyipi 'ñiisari' ca nquepaqataxanaxat bronce qaican que'guenalec. Qoyiga'a qami' quiyim qanalauate'e', qam se qarishichi', ma' ỹim sento'ot aqami' quiyim ñca'laxachirec chaqai so'ootaxanlec qami'. Ỹim ná'maq ỹim na'gaxala', saanec dajo ỹa'qaatec.

Jeremías 27:11

Qam cá'maq qomyipi quiyim i'guenot da lquesaxanaxa ñi nashi quiyi Babilonia, ca' ỹim se sedaxan queca na'laua quiyim neetalec chaqai ro'ueenataxanlec. Ỹim na'gaxala', se'taxajñi da ỹa'qaatec.

Jeremías 27:12

Ỹim Jeremías liỹa sa'xat dá'ogue da la'qaatec ñi qota'olec quiñi Sedequías, ñí'maq nashi quena Judá, chaqai qai'neeta shinac quiñi'maxare: —'Guiñiỹot da lquesaxanaxa ñi nashi quiyi Babilonia chaqai quena lauo', qaiyi rca'lliiuec.

Jeremías 27:17

¡Totaxan na'xaỹaxañiỹa! 'Guiñiỹot ñi nashi quiyi Babilonia, qaiyi rca'lliiuec. ¿Negue' quet cá'maq 'neeta quiyim najo na'a' lodegaxat ñigui ca ladogoñi 'imqaipi qanopoxoỹaxajñi?

Números 14:9

Qam 'neeto' sqai viilec ñi qota'olec chaqai se ro'chiỹa yí'maq qomyipi neetalec yi'maxare. Ma' yi'maxare sqaica sauaqaque ma'le, ma' yi'maxare qaica cá'maq ro'ootaxanlec. Qam quená'maq qomi' 'ue ñí'maq qara'gaxala'. ¡Sqaica ro'chiỹaque!

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Hechos 18:10

Ma' qami' iỹaatac, qaica rovichiraque quiyim 'ue ca qohiñiteraxaric. Ma' 'xoic na qomyipi ỹalamaxat quenajo na'a'.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

Deuteronomio 20:4

Ma' ñi qara'gaxala' qota'olec neetauguilo qamiri. Ca ñi'maxare pa'a'guit quiyim reloguie'e' ca npa'guenaxauahi, ca ñi'maxare ỹo'uet quiyim qadoxoñiguii ma'le.

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.

Josué 1:5

Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.

Josué 1:9

Ỹim ná'maq selachi' quiyim na'ñaxachi' chaqai se ileuapigui qavilli'. Se ro'chi'i' chaqai se reualliriñi, ma' ỹim ra'gaxalachi' qota'olec caqami', ca ỹim ñauequeta'pegue' qami' quecanchaqa 'itegue.