Jeremías 42:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ No'm qamiri viitaque sqai dahi quenajo 'laua, ca' ỹim so'uet quiyim 'ue nqaiyi caqamiri; se ñopoxoỹaxajñi qamiri, ta'ta'a quiyim sañiñi qamiri, ca se ñapogue' qamiri, ma' 'ue da ñitogotaxa quiyim ñila' da re'xoriguii.

Jeremías 42:10 Iomraidhean Croise

Jeremías 26:19

Ca' so nashi Ezequías chaqai sá'ogue so qomyipi quena Judá, ¿'uo' ca 'ne'tegue na'le so Miqueas? 'E', ta'ta'a quiyim so nashi 'ue da lqolonaxa quiñi qara'gaxala', ca' rashiilaxan quiyim qanqouaguegue so qomyipi. Ca' ñi qara'gaxala' se nela' só'maq ỹahotaque taalec nqai'en. Ca' ¿qomi' sahoqotaco' quiyim ñiỹoxosqalta' queda chalego lecaic nasauaxaset?

Jeremías 27:11

Qam cá'maq qomyipi quiyim i'guenot da lquesaxanaxa ñi nashi quiyi Babilonia, ca' ỹim se sedaxan queca na'laua quiyim neetalec chaqai ro'ueenataxanlec. Ỹim na'gaxala', se'taxajñi da ỹa'qaatec.

Jeremías 43:4

Ca' chaqaida 'neeta vire'ta so Johanán chaqai so lashillipi so nouaataxanyipi chaqai vire'ta so qomyipi se no'ueenañi quiyi 'laua Judá, se na'xaỹaxana da la'qaatec ñi qara'gaxala'.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Joel 2:13

¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Amós 7:3

Ca na'le, ca' ñi qara'gaxala' qaca'guit nqai'en dá'maq sham 'ne'tegue, ca 'naac: —¡'E', dajo sqai 'neeta ma'le!

Amós 7:6

Ca na'le, ca' ñi qara'gaxala' nallaa quedá'maq sham 'ne'tegue, ca 'naac: —¡Qai'neeta dajo sqai 'neeta ma'le!

Jonás 3:10

Ca' ñi qota'a iuana dá'maq 'neetari' yi qomyipi quiyi Nínive quiyim ỹaxañiñi naua loico se no'viiñi. Ca' ñi'maxare se ipaguigui nqai'en da la'qaatec quiyim 'naac nopoxoỹaxajñi yi Nínive.

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Hechos 15:16

Ma' ime, ca lotqai yapil, ca liỹa ño'xonshiguim ñi lauo' so nashi David mashic 'guiñi; liỹa ño'xonshiguim ná'maq ñaqa 'ue, ca liỹa ñachaalataxanñi,

Jueces 2:18

Ca co'quena' ñi qara'gaxala' ỹanashiguim ca nashi, ca' ỹaatqajam ỹotauan. Ca co'quena' ñaq nca'leetauec ca nashi, ca' ỹotauan so Israel llaalqaipi quena npa'guenaxauaripi, ma' i'xoreno' quen quena' 'xaỹa da nqui'ic queso'maxare.