Jeremías 4:7 - La'qaatqa ñi qota'olec Qota'olec & Qota'olec Novita Na Qomyipi

⁷ Na sauaxaic leta'a mashic nenoxonec quiyi nañoqotqa', ná'maq mashic nomategueñi na ỹoreta'oguit qomyipi mashic naqueta; nenoxonec quiyi na'laua, ma' ỹahotaque nomajñi na qomyipi neetalec najo 'laua, ỹahotaque co'telec na na'aateripi chaqai nopoxoỹaxajñi.

Jeremías 4:7 Iomraidhean Croise

2 Reyes 24:1

Ca co'na' ñaqai neetaho quiyim nashi so Joacim, ca' so Nabucodonosor, só'maq nashi quiyi Babilonia, inoxona'a yi 'laua, ca' loxonec. Ca' so Joacim qailaretac queso'maxare quesaua tres ñaxari. Ca na' ime, ca' ỹoỹoota'a da la'deenataxanaxac, ca' npa'guene'e' so'maxare.

2 Reyes 25:1

Na' ỹovirerec saua ocho ñaxari, ocho shiriguiri, chaqai nueve na'xata' quiyim nashi so Sedequías, ca' so nashi Nabucodonosor liỹa sá'ogue so nalliripi quiyim quepegue' nalauate'e' yi Jerusalén. Ca' nahiquinchiguiñi, ca renojñi quiyi naloote'oga, ca quenaua lahil ỹo'ueete' naua lliquishiguim quiyim nalauate'e'.

Isaías 1:7

Na na'lauahi ñigui ca 'laua qaica qom, chaqai na na'aateripi ná'ogue ỹavigougui. Chaqai ma' loxoitaho, qam na npa'guenaxauahipi ỹa'ic na qadañicshiguii. Ná'ogue ñigui ca 'ec 'laua qaica qom 'nejem na'le yi Sodoma na' qanopoxoỹaxajñi.

Isaías 5:9

Ñi qara'gaxala' qaica lqalanec ỹaanec da la'qaatec caỹim, 'naac: Ma'le, ca' 'xoic ca 'imec qanopoxoỹaxajñi; 'eno'm leta'al chaqai lo'yaxanqa caua 'imqa, qam qaica ca nauguilo.

Isaías 6:11

Ca' ỹim senat na'le: ¿Laquio' ime dajo, qami' qara'gaxala'? Ca' ñi qara'gaxala' 'naac: Dajo ỹovireto'o' ma' qanopoxoỹaxajñi na na'aateripi chaqai qaica ca no'ueenashiguim quena qom; chi ỹovireto'o' ma' qaica ca qom nauguilo naua 'imqa, chaqai naua no'ueenaxari qaica ca naalgoto,

Jeremías 26:9

¿Chi negue' cá'maq 'neetapiguio' qavilli' quiyim queda leenaxat ñi qara'gaxala', ca' najo no'ueenaxanaxaqui 'nejem ma'le so na'ñi yi Silo, chaqai najo na'a' lodegaxat qanopoxoỹaxajñi chaqai qaica ca qom na'ñi? Ca' sá'ogue so qomyipi npataxata' lapoỹau'a so Jeremías.

Jeremías 27:8

Chaqai no'm 'ue quena ỹoreta'oguit qomyipi loqo'm quena lashillipi mesqai neneequesenot ñi nashi Nabucodonosor, ca' ỹim souaxan sahote'e ca lauataq, ca nqopaaxa chaqai ca ne'ne', chi ỹovireto'o' quiyim ná'ogue hueeta'ñot da lquesaxanaxa ñi'maxare. Ỹim na'gaxala', se'taxajñi dajo ỹa'qaatec.

Jeremías 4:29

Ca' queda laualaxac na neetashiguim qomyipi chaqai na no'xoshic lo'ollipi ná'ogue na qomyipi 'eet ne'guentagui; nañoxotougui na leesat loqo'm quishiguim cana qa'. Naua'que naua na'aate' leta'al qoyica'ahi; ca' tot qaica ca na'ñi na'maxare. (4.30-31 So npa'guenaxauaripi nahiquinchiguiñi yi Israel. Ca' so Jeremías 'ue da nqui'ic queso qomyipi.) (5.1—6.30 Lasauaxaset chaqai da npa'guenaxac yi Israel. Qaỹa'xat quiyim qaỹa'ue ma'le ca nouaxanaxaset.)

Jeremías 44:2

—Ñi qara'gaxala' sqaica lqalanec, ñí'maq qota'olec quena Israel, 'naac: Qamiri huañiỹalo saua'que saua ne'xoyaxaco taarelec nqaishin yi Jerusalén chaqai yaua liỹa' na'aate' quiyi 'laua Judá. Ca' nagui ropoqote', ca' qaica cá'maq na'ñi yi'maxare,

Daniel 5:19

Ca quesó'maq lquesaxanaxa, ca' ỹaanem ná'ogue na ỹoreta'oguit qomyipi ỹora'alo naua la'qaatqa se qanapacalec chaqai i'loxol quen na qom quena' idaana'a. Ca' so'maxare ỹalauat loqo'm nca'alaxateetauec canchaqai sham 'neeta'gue; 'ue na imaqachin chaqai na liỹa, ca' se imaqachin.

Daniel 7:4

Só'maq 'auaxaic 'ec na sauaxaic leta'a, qam 'vii laua' 'ec o'ic laua'. Ca na' ñaq sa'ajantac, ca' qano'teguerec saua laua', ca qane'laxataxanaxanshiguim quiyi 'laua, ca' co'viiñi nqohin quesaua lichil, ca na' qanachaalataxanñi 'ec nqohin na qom. Ca' so lapio'xo qaishichigui na qom la'deenataxanaxac.