Jeremías 4:22 - La'qaatqa ñi qota'olec Qota'olec & Qota'olec Novita Na Qomyipi

²² Na ỹalamaxaret ỹaatqajam se nouoogoñi, se no'uenegue aỹim —'naac ñi qara'gaxala'—. Ỹaatqajam ñaalqaipi se na'maxat, ma' ỹaatqajam se retanaxan. Ỹaatqajam ỹa'den quiyim ỹo'uet na se no'uen, qam se ỹa'den ỹo'uet ca ỹa'maqachiguiñi.

Jeremías 4:22 Iomraidhean Croise

Génesis 39:16

Ime, ca aso'maxare ỹa'maxat so lapo' so'maxare, chi ỹovireta'a na' noviro quiyi la'a' so loua.

Salmos 36:3

Se ỹa'machiñi naua la'qaatqa chaqai 'maatqaic, na'laxatañi da la'maqataxanaxac, ca ỹo'uet na se no'uen.

Salmos 36:4

Quena' nenantañi queca lomala' ỹa'deentaque quiyim ỹo'uet ca se no'uen; ỹaatqajam lo'qoochiguiñi da se no'uen ñicyaxac, ca se ỹa'maxaren ỹaxanñi da leualoxonqaishic.

Isaías 1:3

Ca ñii'lola no'uenegue ca na'co' chaqai ca 'ashin ỹa'den ca nqui'ỹaxanatqo'; qam ná'maq ỹalamaxaret llaalqaipi so Israel se ỹa'deenaỹa' chaqai qaica ca la'deenataxanaxac.

Jeremías 2:8

Na netaxaỹaxanqajanqaipi quena' qaretaxaỹa'pegue' aỹim se idaanaque aỹim, na napaxaguinataxanaripi quena ỹalamaxareteripi qaica ca ỹauaaque aỹim, na lashillipi npa'guene'e' aỹim, na itaxaỹaxaquiripi ỹa'xat da leenaxat so nashiilec Baal, chaqai quegue na nadenqatec nqolac qaica ca 'negue.

Jeremías 4:21

¿Chi' laquio' quiyim ñaqai queeta sa'ajantac añi netana quena lauataq, chaqai quiyim sa'xaỹaque ca lelamaxa aca npe'te?

Ezequiel 16:30

Ỹim na'gaxala', se'taxajñi da ỹa'qaatec: ¡Chalego' da ralolaxa añi re'taxanata'e' na' 'viichi'sac dá'maq loic aca nedequenaxai tot qaica ca layiloxo!

Amós 3:10

Ñi qara'gaxala' i'taxajñi da la'qaatec: Yi'maxare se ỹa'den ỹa'maxate'tegue da lo'ueenataxanaxac; ỹa'maxatetac quenaua lauooto' ná'maq locataxat queda lqa'viic.

Miqueas 2:1

¡'Xoraicolec ná'maq 'ue da la'deenataxanaxac quiyi pe quiyim ỹo'uet ca se ỹa'maxañi, ca quena' ỹovita yi na'xa'a, ca ỹo'uet, ma' hueeto'ot dá'maq nquesaxanaxa!

Lucas 16:8

Ca' so na'co' retan so se no'uen lelaatec, quiyim so'maxare se ỹouene'te ca 'ne'tegue ca lo'ueenataxanaxac. Ma' 'eda da 'neeta quena hueetalec na 'laua, ma' na'maxare ỹaatqajam se qalana'a quiyim 'ue ca 'ne'tegue queca liỹa, sqai 'nejem ná'maq hueetaugui ná'maq re'qoochiguiñi.

Juan 16:3

Dajo qohine'teguelo qamiri ma'le, ma' se qaiuanapega ñí'maq qota'a chaqai aỹim.

Romanos 1:22

'Eno'm 'naac 'deenaxanqachaqaiquipi, qam qaica quet cá'maq ỹa'den.

Romanos 1:28

Ma' mashic tot ỹa'deenapega ñi qota'a, ca' ñi'maxare ca'e na'maxare quedá'maq se no'uen la'deenataxanaxac, qaiyi ỹo'uet ná'ogue ná'maq se no'uen.

Romanos 16:19

Ná'ogue ỹa'deenta quiyim ỹaatqajam na'xaỹaxañita. Vichiguiño' ñitoontac, chaqai sahotaque quiyim na'maxachitañi quiyim 'maxaraic ca ro'ueenataxanaxaguii, qam sqo 'viichii ca se no'uen.

Romanos 3:11

qaica quet cá'maq 'oonoqui' ỹahotaque quet quiyim 'ue ca ỹa'den, qaica ca ishit imitaque ñi qota'a.

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.