Jeremías 4:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Tot neme na na'xaỹaxac queda ne'xoric; ná'ogue na 'laua hueetalec na chalego ne'xoric. Mashic chita'gue, ca qanomajñi naua ñco'matqate', qaiuagaxatetac sogui nqohin na ñco'mataxaqui 'imec na'daañi.

Jeremías 4:20 Iomraidhean Croise

Salmos 42:7

Ca qara'xaỹa quena tocot qoỹoqochi'ñigui ca lelamaxa na huaxaỹaq; na 'xoic huaxaỹaq remaxashiqui' quiyim queeteguelec aỹim.

Isaías 54:2

Noquiigaxachirec na qauochi' na'daañi, piguiñirec ná'maq qauochi' ñi'so'ot, qaica ro'chiraque; ladogaxachi' naua lequeete', ỹaatqajam tocqoichiriñi naua lauegaxalate,

Jeremías 17:18

'Viichi' ca ne'naxac ná'maq se yayaxanac, qam mesqai 'viichi' ca ñi'naxac; quiyim na'maxare no'chi nqai'ñi', qam ỹim se yo'chi. Vite quiyim taalec nqai'ñi' ca le'xoric, ná'ogue na'lliichiguiñi nqai'ñi', qaica 'nejem ca le'xoric nqai'ñi'. (17.19-27 Se qanapacalec yi na'xa'a co'mataxaqui.)

Jeremías 4:21

¿Chi' laquio' quiyim ñaqai queeta sa'ajantac añi netana quena lauataq, chaqai quiyim sa'xaỹaque ca lelamaxa aca npe'te?

Jeremías 4:27

Ñi qara'gaxala' 'naac: Ná'ogue na 'laua qanopoxoỹaxajñi, qam mesqai ná'ogue ñomachichiguiñi.

Jeremías 4:6

Nanorishiguim aca netana ỹiqueta'gue nqai'ñii da Sión; ¡daañiỹaque ca nañoqotqari, se nomiiñitari'! Ma' sachigoxota'gue ma'le da rapiguim da chalego ne'xoric chaqai da nasouaxac.

Joel 1:15

¡'Agai, tot qoỹoxoguit ca na'xa'a loviraxaqui ñi qara'gaxala'! ¡Chalego lichic ma' nodoota quiyim qanopoxoỹaxachiñi qomi', chicqo'ot ñí'maq sqaica lqalanec!

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

2 Tesalonicenses 1:9

Na'maxare ỹaatqajam chalego lecaic da nouaxanaxaset chaqai sqaica lqodoc. Qaỹo'daauec ỹaatqajam qoỹoqote'oga nqohin, qaiyi se iuana ca lauaq chaqai da lquesaxanaxa so qara'gaxala',