Jeremías 4:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ ¡Mashic ñoqogañi queda nqui'ic! ¡Añi i'taxanata 'ue da lquesaxanaxa rachitata! ¡Ỹaatqajam se yo'viijñi, se seshit yi'maqata! Sa'xaỹaque da lelamaxa ana npe'te chaqai da naualaxac quena' lauataq.

Jeremías 4:19 Iomraidhean Croise

Génesis 49:6

¡Ỹaatqajam se yqo'ta salequetau'alo caua lapooqote'! Ma' na' ro'ỹe', ca' ỹalauate' ca qomyipi, qaica quet cá'maq 'neeta, qam chaqai 'ñiigue, ca qaicchii' naua lichil so huacallipi.

2 Reyes 4:19

Ca so'maxare ỹaualqatac, 'naaco': —¡'Agai, ỹaatqajam sevichigui na iqahic! Ca co'na'le, ca' so leta'a 'naaco' queso lelaatec: —Viquira'a aca late'e.

Salmos 103:1

Semaqachin ma'le ñi qara'gaxala' qota'olec quedá'ogue da ñachaalataxac; semaqachin ma'le quedá'ogue da shinta da co'teeta leenaxat.

Salmos 146:1

¡Qaimaqachin ñi qara'gaxala' qota'olec! Semaqachin ñi qara'gaxala' quedá'ogue da ñachaalataxac.

Salmos 16:2

Ca' ỹim shinac caqami': Qami' ná'maq qami' ỹa'gaxala' ỹaatqajam qami' ỹa'maxa; qaica ca 'nejem qami'.

Jeremías 20:9

No'm shinac: “Tot sa'deenapega ñi qara'gaxala', chaqai tot sa'xat da leenaxat,” ca' naua ra'qaataxahi' quena iuel 'ec ca norec ravicqataxan queete'ueguelo naua ipi'naqa. Sahotaque se sa'xate', qam se seshit.

Jeremías 4:21

¿Chi' laquio' quiyim ñaqai queeta sa'ajantac añi netana quena lauataq, chaqai quiyim sa'xaỹaque ca lelamaxa aca npe'te?

Jeremías 4:5

'Xachii dajo quena Jerusalén chaqai quiyi Judá, pi'chiigui aca npe'te quená'ogue na 'laua hueesalec, taxahi, ỹaatqajam nelamaxariñi ma'le, 'ñiỹac: ¡Hua', lapohiỹata' quenaua na'aate' leta'al 'ue na lquepaqataxanaxat!

Jeremías 42:14

ca no'm 'ñiỹac: Sahoqotaque saxague da Egipto ma' queda'maxare qaica ca lauataq chaqai se sa'xaiqaque ca lelamaxa aca npe'te lauataq lo'o chaqai se qaralauat ca qarqopaaxa,

Jeremías 8:18

Qaica ca lata' da nqui'ic caỹim, añi i'taxanata rachitatatac.

Jeremías 8:21

Salecau'a da le'xoric na iuo' laseripi; da lachicoxo chaqai da lqolonaxa 'eco' spa'aalec aỹim.

Daniel 7:15

Ca' ỹim Daniel ñauata'guit mashic paguec so iqolonaxa chaqai 'xoic da ỹachitachic quesá'ogue só'maq seuanchigui,

Daniel 7:28

Ca' chaqaiyi lqodoc da ỹa'qaataxanaxac. Ca' ỹim Daniel ỹaatqajam 'xoic da ỹachitachic na'le chaqai mashic ñalacqatec; qam qaica ca sa'xatem quecá'maq 'neeta dajo. (8.1—12.13 So Daniel 'ue da leuanaxanaxac, ca so nelaatec piguim le'ec ichoxot da leloxoỹaxac.)

Amós 3:6

no'm ilamigui aca npe'te queca na'a' lodegaxat, ca' no'chata' na qom; no'm 'ue ca se no'uen taalec cajo na'a' lodegaxat, ca' chaqaiñi ñi qara'gaxala' taalec nqai'en.

Romanos 10:1

Qamiri ỹaqaỹarolqa, ỹaatqajam 'xoic da lishoxo añi i'taxanata chaqai sashiilatac ñi qota'olec quena Israel llaalqaipi, ma' sahotaque quiyim qanca'laxatec.

1 Corintios 14:8

Chaqai quena' lauataq, no'm sqa ỹaataxa'uegue da lelamaxa aca npe'te, ca' sqaica cá'maq na'maxatetañi quiyim eec nalauat.

Gálatas 4:19

Qamiri ỹaalqolqa, lotqai liỹa sovirau'a da nqui'ic caqamiri, shintari' aca 'aalo quena' shim ne'qaañi ca llaalec; qam shiquetalco' da i'xoric, vire'to' ma' nalogoñi quiyim 'ñiitari' so Cristo.