Jeremías 4:13 - La'qaatqa ñi qota'olec Qota'olec & Qota'olec Novita Na Qomyipi

¹³ 'Ajñii, na pa'guenaxauaripi mashic 'ec naueguelec, na lahoglenaipi nalauataxaqui 'ec ca nonot quesaxanaxaic, na lalo shipiguiripi paguec liyic queca o'ic. ¡'Xoraiqolqa qomi', ỹaatqajam qara'lliichiguiñom!

Jeremías 4:13 Iomraidhean Croise

2 Samuel 1:23

So Saúl chaqai so Jonatán ỹaatqajam nauochaqate' chaqai nqo'itqate', chaqai queda nachaalataxague' chaqai queda lelauaqa' se noỹojchi. ¡Saua'maxare paguec liyigue' queca chirálo, chaqai paguec la'ñaxague' queca sauaxaic leta'a!

Jeremías 4:12

ná'maq nonot ñila' ma'le paguec lquesaxanaxa quena'maxare, ma' nagui so'uet da sa'yiñi nouaxanaxaset na qomyipi quena Jerusalén.

Daniel 7:4

Só'maq 'auaxaic 'ec na sauaxaic leta'a, qam 'vii laua' 'ec o'ic laua'. Ca na' ñaq sa'ajantac, ca' qano'teguerec saua laua', ca qane'laxataxanaxanshiguim quiyi 'laua, ca' co'viiñi nqohin quesaua lichil, ca na' qanachaalataxanñi 'ec nqohin na qom. Ca' so lapio'xo qaishichigui na qom la'deenataxanaxac.

Miqueas 2:4

Ca' quecajo na'xa'a, ca qaro'ueenaxantalgoto qamiri, qam cajo no'ueenaxanaxac 'ec ỹenaxac. Qohinac caqamiri: Ỹaatqajam qanomachichiriñom qomi': na qouo' ná'maq lalamaxaret ñi qara'gaxala' ỹoỹoota'a ca la'gaxala' qaica ca ishit quepaxata'guit; naua qana'lauari shi'gue qaneuagaxachiguilo quená'maq mashic qomi' loxonqa.

Zacarías 6:1

Ca' lotqai 'ue so liỹa iuanaxanaxac. Ca' seuane'talo saua cuatro nahoglena lauataxaqui' hueetañiguilo saua dos 'ec qari ladocai, qam bronce.

Mateo 24:30

Ca ma'le, ca' qaiuana quena piguim ca letanec najo ỹale llaalec. Ca ná'ogue na ỹoreta'oguit qomyipi noỹentagui, ma' qaidaana'guit najo ỹale llaalec naquetaugui na naueguelec, ỹaatqajam chalego lquesaxanaxa chaqai na lauaq.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.