Jeremías 4:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca ma' ỹovita dajo, ca' qohinac quena na'a' lodegaxat Jerusalén: Na nonot pa'e chicqojlec na 'laua qaica qom npe'taxanshiguim, taatagui yi ỹalamaxareteripi. Mesqai ná'maq nonotoqui' ná'maq co'taxategue quen ana trigo ala;

Jeremías 4:11 Iomraidhean Croise

Isaías 64:6

Qomá'ogue qomi' shinqatari' ca ỹale sauaqhuaic; naua'que naua no'viiñi qaro'ueenataxanaxaco 'neesari' ca hualoq lahi napio'ota; qomá'ogue sanataxañi 'ec qomi' aca qo'paq laue lasooxoi, chaqai naua qaro'maxasete' se no'viiñi qaramaqate' 'ec na nonot.

Jeremías 4:12

ná'maq nonot ñila' ma'le paguec lquesaxanaxa quena'maxare, ma' nagui so'uet da sa'yiñi nouaxanaxaset na qomyipi quena Jerusalén.

Jeremías 8:19

Da laualaxac na iuo' laseripi qara'xaỹa quenaua'que naua lahil na 'laua, 'naac: “¿'Ec ñi qara'gaxala' totqai neeta'ñi na Sión? ¿'Ec totqai neeta'anyi ñi nashi?” Ca' ñi qara'gaxala' retaqa, ca 'naac: “¿Chi' negue' ma' yo'ooqochichii qamiri quiyim nqouagaxaiñitacot na nadenqatec nqolaquipi, ná'maq 'ñiitapega qota'olqaipi, qam qaica ca 'negue?”

Mateo 3:12

Shi'gue lo'qoota'a so lochigoxosoxonaxat, ca' co'taxat na trigo, naqat na lovi. Ime, ca' ỹa'maxat ná'maq co'teeta trigo la quiñi lahi'. Qam na lovi, ca' copata'a inaxañigui ca norec sqai 'om.

Lucas 3:17

Na'maxare lo'qoota'a na lochigoxosoxonaxat, qaiyi ỹochigoq na trigo quiyim ỹoỹoota'oga ana la chaqai na lovi. Ime, ca' ỹoỹoota'oga na la na trigo, illaañigui aca lahi'. Ca' na lovi ỹavigaxat, inaxañigui ca norec sqai 'om.