Jeremías 38:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' 'ue so Etiopía le'ec, leenaxat Ebed-melec, so'maxare ỹaatqajam npe'eet quesá'ogue so nashillipi. 'Uo' so la'xaỹaxac quiyim so Jeremías qainaxa'ñigui aso ni'ỹa. Queso na'xa'a so nashi ỹalequetau'a so netaxaỹaxac quiñi lasom qaỹamata'gue Benjamín.

Jeremías 38:7 Iomraidhean Croise

2 Reyes 24:15

Ca' so Nabucodonosor i'xat coñi' so Joaquín chaqai aso late'e, chaqai saua loua', so lotauaripi nashillipi, chaqai so qomyipi paguec qaimaqachin quiyi 'laua. Chicqochi'ñi yi Jerusalén, ca i'xat coñi' ỹaueguegue da Babilonia.

Isaías 56:3

Chaqai ca sqai judío le'ec no'm nañaanot ñi qota'olec, mesqai 'neetapigui lauel: Ñi qara'gaxala' ỹoỹooteta'oga ỹim quena lalamaxareteripi. Chaqai ca naqateguese lolaa sqai 'neetapigui lauel: 'Ec aỹim aca qo'paq laso.

Jeremías 20:2

ca' relaataxanlec quiyim qaỹouaxantac, ca' qaillaugui ñi ncoñiitaxanaxaqui quiñi liỹa nasom so Benjamín pa'aashiguim, na'deetaho quiñi no'ueenaxanaxaqui.

Jeremías 26:16

Co'na'le, ca' so nashillipi chaqai so qomyipi 'naapega so netaxaỹaxanqajanqaipi chaqai so netaxaỹaxaquiripi: —Qaica quet cá'maq 'neeta quiyim qaỹalauat ñijo ỹale, ma' dá'maq ỹa'xat chicqo'ot ñi qara'gaxala' ñí'maq qota'olec coqomi'.

Jeremías 37:13

Ca na' ỹovita ñi lasom qaỹamata'gue Benjamín, ca 'ue so ỹale leenaxat Irías, llaalec so Selemías chaqai laual so Hananías, so'maxare nashi queso neloxoỹaripi, nollaañi so Jeremías, ca 'naaco': —¡Qami' sham 'irougui na caldeoipi!

Jeremías 38:8

Co'na'le, ca' so Ebed-melec inoxonec quiñi 'imec lodegaxat, ca quepegue', ca retaxaỹa'pegue' so nashi, 'naaco':

Zacarías 14:10

Ná'ogue na 'laua ma'le ñigui ca quemarelec, chicqochi'ñi yi Geba queda rapiguim, ca ỹovira'a yi Rimón pa'a'gue da 'guiñi quiyi Jerusalén. Ca' yi Jerusalén qoỹoqoshi'ma ma'le. Ca ma'le, ca' qoyintalec ma'le yi'maxare, chicqochi'ñi ñi lasom nasom so Benjamín, ca' ỹovirau'a añi lasogue ñi lasom yí'maq na'ñi na'le ca ñaauapec lasom, chaqai cada ladocai na'ajnaxanaxalate quiyi Hananeel, ca' ỹovirau'a yi novigoxosoqo' ana nanecsec ala quena' qanaqat na ne'aceite, ñí'maq lalamaxarete looỹac ñi nashi.

Mateo 20:16

Ca' chaqaida 'neeta ma'le, quená'maq co'uaataxanta nagui, ca' 'aueta ma'le, chaqai ná'maq 'auaxaic nagui, ca' co'uaataxanta ma'le. Ma' 'xoic ná'maq noỹaxanaxat, qam sqo vito'olqai' cauá'maq nca'acse'.

Deuteronomio 21:19

ca' caua leta'al ỹaueguera'a cá'maq letaxaỹaqa' na qo'xoiquipi neeta'ñi ca na'a'.