Jeremías 38:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca co'na'le, ca' saua'maxare iconerelec so Jeremías, ca inaxari'ñigui aca li'ỹa so nashi llaalec Malquías, na'ñi yi nasoxoc yi neloxoỹaripi loma'. Qaỹahote'e so ñic na' qainaxañi. Qam ma' co'chiichigui aso ni'ỹa, ta'ta'a na nishaaxa, ca na' taañi so Jeremías, ca rollapi'tegue quiyi nishaaxa.

Jeremías 38:6 Iomraidhean Croise

Génesis 37:24

Ca qaiconlec, ca' qainaxa'ñigui aca ni'ỹa co'chiichigui chaqai rashivichigui.

Salmos 40:2

yca'laxatec queso ỹaatqajam nelauaxa, yanojshiguim na' sham ya'pishiguim. Co'ỹaxanlgoto naua ipiaate' ada qa', ca' ỹa'ñaxateguelo naua ichil quiyim yco'ỹaxanñi.

Jeremías 36:26

Ta'ta'a quiyim ỹilen so Jerameel só'maq 'auaxaic nashi llaalec chaqai so Seraías, llaalec so Azriel, chaqai so Selemías, llaalec so Abdeel, quiyim qaiconlec so Jeremías chaqai so leraxanqajnec Baruc. Qam ñi qara'gaxala' ỹoxochiñi.

Jeremías 37:16

Ca' so Jeremías qainaxa'ñigui añi ncoñiitaxanaxaqui pa'ỹaañi ñí'maq 'xoic so na'xataripi hueeta'ñigui.

Jeremías 37:21

Ca co'na'le, ca' so nashi Sedequías relaataxanlec quiyim so Jeremías ncoñiiteguesec, qam chaqai hueeta'ñi yi nasoxoc so neloxoỹaripi, ca quiyi na'xa'a lotqai qaỹodou'a ca 'óna pan quena pan lo'ollipi. Ca' dajo qohinta'gue na' ñaqa 'ue na pan quiyi na'a' lodegaxat. Ca' chaqaida 'neetari' so Jeremías na' hueeta'ñi yi nasoxoc so neloxoỹaripi.

Jeremías 38:13

Co'na'le, ca' saua ỹale' naviquishiguim so ñic, ca naqachishiguim so Jeremías cañi ni'ỹa. Ca na' ime dajo, ca' so Jeremías hueeta'ñi yi nasoxoc añi loma' na neloxoỹaripi.

Jeremías 38:22

Ca yá'ogue yi 'aallipi hueetaugui ñi 'imec lodegaxat lauo' so nashi quiyi Judá, ca qanaqata'a ma'le, ca' qoỹaanougui ma'le so lashillipi so nalliripi ñi nashi quiyi Babilonia. Ca' chaqaiyi yi 'aallipi 'naac ma'le: Sauá'maq paguec nauochaxaua' ñi qarashi ỹayine' ñi'maxare, ca' noxonec; ỹaxantegue quiyim naua lichil rollapi'teguelo quena nishaaxa, ca' quere'e reloqorec.

Daniel 6:16

Co'na'le, ca' so nashi relaataxane'oga so Daniel quiyim qanauego, ca qainaxa'ñigui aso tema hueeta'ñigui so sauaxaic leta'allipi. Qam na' saqa' qaỹomachigui da na'qaatec, ca' so nashi 'naaco' queso Daniel: —¡Ca qota'olec caqami' cá'maq 'ỹaañisacot da no'ueenataxaqui', rca'laxachirec!

Hechos 16:24

Ca co'na' 'ue so na'qaatec na' qaraqata so neloxoỹaq cañi ncoñiitaxanaxaqui, ca' ỹaatqajam pa'xanda'ta, ca' ỹa'gaxanaxanguilo naua lichil ca lcoñiitaxanaxaqui' qo'pa'.

Hebreos 10:36

Qamiri viñitac quiyim 'ue ca la'ñaxac qavillii, qaiyi shichii 'viichii cá'maq ỹahotaque ñi qota'a, chaqai quiyim coñiguit cá'maq ỹachaxantac ñi'maxare.