Jeremías 38:4 - La'qaatqa ñi qota'olec Qota'olec & Qota'olec Novita Na Qomyipi

⁴ Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Jeremías 38:4 Iomraidhean Croise

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

Éxodo 5:4

Qam so nashi quiyi Egipto 'naaco': —Qami' Moisés chaqai qami' Aarón, ¿chi'negue ma' ỹaxanñi nqai'ñii na qomyipi da lo'ueenataxanaxac? ¡Mohi, quiitalec da ro'ueenataxanaxaguii!

Jeremías 26:11

Ca co'na'le, ca' so netaxaỹaxanqajanqaipi chaqai so netaxaỹaxaquiripi 'naaco' queso nashillipi chaqai quesá'ogue so qomyipi: —Ñijo ỹale 'maxaraic quiyim qaỹalauat, ma' 'ue da ỹa'xat se no'uen npa'guene'e' na Jerusalén. Ca' qamiri ỹaatqajam 'xahichigui na'le so la'qaatec ñi'maxare.

Jeremías 29:7

'Ueenataxañii qaiyi nqo'neuec cá'maq na'a' lodegaxat cá'maq selateguelo qamiri, chaqai yashiilahi nqouagaxaiñilec ca'maxare, ma' no'm ỹa'maqachiguiñi ca'maxare, ca' qai'neeta qamiri ra'maxaichiguiñi.

Jeremías 38:16

Qam so nashi Sedequías nemoote'tot so Jeremías quiyim ỹaanec da la'qaatec nallitalta', 'naaco': —Saanec da ỹa'qaatec quiñi qara'gaxala' ñí'maq ỹa'ue da qarca'laxa, quiyim sqai salaxanegue qami' quiyim qaralauachi' chaqai sqai saanec aqami' quená'maq ỹahotaque ralauachi'.

Jeremías 38:25

Ma' no'm na ỹotauaripi ỹa'den quiyim setaqata'pegue' qami', ca nanacpegue' qami' ma'le, ca' renachi' negue' cá'maq 'ñirac caỹim, chaqai negue' cá'maq shinac caqami'. Ca' ỹaanec da la'qaatec nallitalta' quiyim qaica ca 'ne'tegue qami', ca' rashiila'e' quiyim 'xachi' dá'ogue.

Jeremías 43:3

So llaalec so Nerías, leenaxat Baruc, chaqaiso só'maq 'naapega qami' quiyim 'ñirapogoxoua', ma' ỹahotaque qomi' loxonqa na caldeoipi, ca' qaralauajñi loqo'm qare'xat queda Babilonia.

Amós 7:10

So Amasías, só'maq netaxaỹaxanqajnec quena' qaretaxaỹa'pegue' ñi qota'olec quiyi na'a' Betel, so'maxare ilata da la'qaatec so nashi quiyi 'laua Israel leenaxat Jeroboam, ca 'naac: So Amós queetegueñigui na qomyipi quena Israel, ỹa'xatetac na se no'uen caqami'. Ca' ná'ogue na senqatalec 'laua tot nalo'guit quiyim queetalec da letaxaỹaxac.

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

Hechos 16:20

Ca co'na' qaỹoviraqteu'alo saua nimiitaxana' quena nasauaxaset, ca 'neraco': —Nauajo ỹale' judío lase' ỹasauaxatetecta' ná'ogue na senqata'ñi na'a'.

Hechos 17:6

Qam co'na' se qaỹanatalo, ca qaiconlec so Jasón, qaỹahogolenta. Chaqai 'vio' saua liỹa' quená'maq mashic ỹacoñiguit da na'qaatec, ca qaỹoviraqtera'a so nashillipi reloqota'a yi na'a'. Ca' qaỹaualaxalgoto, qohinaco': —Najo ná'maq ỹalliripi, ná'maq ỹasauaxatetecta' na qomyipi queda chicqota'gue, chaqai nagui novite' quenajo.

Hechos 24:5

Ma' qomi' sa'deenqata quiyim dajo ỹale ỹaatqajam se ralamqataxan quenaua'que naua lahil na 'laua. Ma' 'ue yi na'xa'a ỹora'chi nqai'en na qomyipi, ma' da'maxare lashi na na'deetau'a so Nazaret le'ec.

Hechos 28:22

Vichiguiño' nagui sahoqotaque ña'xaỹaxanaxa cá'maq 'neeta ca ra'deenataxanaxaqui', ma' sa'deenaq chicqote'ogalo da npa'guenaxac ana dalaxai qoyiquetaugui.