Jeremías 38:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ñi qara'gaxala' ya'deenaxanaxanegue dá'maq 'neeta ma'le, no'm qami' ỹashi qui'salec quiyim se nañaañi':

Jeremías 38:21 Iomraidhean Croise

Jeremías 26:15

Qam 'yiiñitari' ma'le dajo, no'm yalauachii, qamiri ñiỹa'ñi najo na'a' lodegaxat, ca' 'ue ca rasauaxashichii, ma' yalauachii qaica ca sasauaxat; ma' ỹaatqajam lliqueta quiyim ñi qara'gaxala' chaqaiñi ñí'maq yila' quiyim sa'xatema qamiri dá'maq 'xahitapega nagui.

Jeremías 38:20

Ca' so Jeremías 'naaco': —Qam qami' ỹashi se qaraqachiriñi ma'le. Na'xaỹaxañi' qouaquiric, qami' ỹashi, queda la'qaatec ñi qara'gaxala' dá'maq sa'xatem qami', ca' qaicanqaida caqami' ma'le chaqai rca'llirec.

Jeremías 38:22

Ca yá'ogue yi 'aallipi hueetaugui ñi 'imec lodegaxat lauo' so nashi quiyi Judá, ca qanaqata'a ma'le, ca' qoỹaanougui ma'le so lashillipi so nalliripi ñi nashi quiyi Babilonia. Ca' chaqaiyi yi 'aallipi 'naac ma'le: Sauá'maq paguec nauochaxaua' ñi qarashi ỹayine' ñi'maxare, ca' noxonec; ỹaxantegue quiyim naua lichil rollapi'teguelo quena nishaaxa, ca' quere'e reloqorec.

Ezequiel 2:7

Qami' 'ñirapega dá'maq shinac, no'm na'xaỹaxan loqo'm se na'xaỹaxan, ma' ỹaatqajam npa'guenaxairipi yi'maxare.

Números 24:13

'Eno'm nañaañim cá'ogue ca 'oro chaqai ca plata hueetaugui na qauochi', qam ỹim se seshit ñapacalec ca la'qaatec ñi qara'gaxala', chaqai sqaica ca so'uet lo'yaxanec, loqo'm ca se no'uen, quiyim chaqai soiquentac. Chaqai qaicaata cá'maq yachilenegue ñi qara'gaxala', ca' chaqaica sa'xat.

Hechos 18:6

Qam so judioipi lama'xa retaqata'guit so Pablo, se ichira'pe naua la'qaatqa. Ca so Pablo ỹochigoxoi' saua loho, ca' dajo tai'a quiyim so Pablo ca'e so qomyipi. Qam 'naapego': —Qamiri chi nasauaxachiỹalta' ma' novi' ca relauaxahi, ma' ỹim totqa saỹapegueu'a. Ca' nagui shic, shicpegue' na mesqai judioipi.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?