Jeremías 38:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' so Jeremías 'naaco': —Qam qami' ỹashi se qaraqachiriñi ma'le. Na'xaỹaxañi' qouaquiric, qami' ỹashi, queda la'qaatec ñi qara'gaxala' dá'maq sa'xatem qami', ca' qaicanqaida caqami' ma'le chaqai rca'llirec.

Jeremías 38:20 Iomraidhean Croise

Génesis 12:13

Ca qouaquiric, 'ñiraco' quiyim qami' ỹaqaỹa, qaiyi sqaican qohinegue aỹim, ca' se qayalauat sasougui qami'.

Génesis 19:20

'Ue yi na'aa'oqui' sqoỹoqaque quenajo, yí'maq ỹa'maqachiguiñi se'guena. Quiyim 'maxariñita, shicpegue', qaiyi yca'leuec. 'Nesa ma' yi'maxare ỹaatqajam cocho'qui'.

Isaías 55:3

Naguipegue' aỹim, ca' na'xaỹaxañii, ỹaatqajam na'xaỹaxañii'ta aỹim, ca' rca'lliiuec. Ca sa'ue ma'le da ña'deenaxac caqamiri sqaica lqodoc, ca ipaquichiguilo ma'le naua sachaxanta'pe na'le queda i'xorenataxanaxa queso David.

Jeremías 26:13

No'ueenaxachii da ra'deenataxanaxaguii chaqai da ro'ueenataxanaxaguii, na'xaỹaxañiỹa ñi qara'gaxala' qota'olec, ca' ñi'maxare se ilatalo qamiri ma'le ca re'xoriguii ỹa'xateta'guit.

Jeremías 38:21

Ñi qara'gaxala' ya'deenaxanaxanegue dá'maq 'neeta ma'le, no'm qami' ỹashi qui'salec quiyim se nañaañi':

Amós 5:4

Ca 'neetasa' da la'qaatec ñi qara'gaxala' na' retaqaugui so Israel llaalqaipi: Naguipegue' aỹim, qaiyi rca'lliiuec.

Amós 5:6

'Guiñiỹot ñi qara'gaxala', qaiyi rca'lliiuec; ma' no'me', ñi'maxare nela' ma'le ca norec, taalec nqai'en ma'le ná'ogue ná'maq Israel, ca' qaica ca ishit ỹo'mat ma'le quena Betel. (7-13 So Amós rashiilaxantac quiyim netogot so qomyipi.)

Hechos 26:29

Ca' so Pablo lotqai 'naaco': —Queca cocho'qui' loqo'm queca 'xoic, saxanchi' mesqaqamite' nqai'en ñi qota'olec, ta'ta'am ná'ogue ná'maq na'xaỹaxantapiguiỹa' nagui ỹovira'a quiyim 'nejem aỹim, qam quiyim sqaicaua caua 'nejme' nauajo iqueete'.

2 Corintios 5:11

Vichiguiño' ma' sa'deenqata da leloxoỹaxac da nqolonaxa queso qara'gaxala', ca' 'ue da qareuogoxo quiyim qoyiuelec da na'qaatec quena qomyipi. Qam ñi qota'a shi'gue ỹa'den da shinqatari', chaqai 'ue da ñaquitaxac quiyim qamiri qai'neeta 'yiiñita da'maxare.

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

Santiago 1:22

Qam 'viichii cá'maq ỹapaxaguinque qamiri da na'qaatec, mesqai chi na'xaỹaxañitapega, ma' no'm 'ñiitari' dajo, ca 'eco' chi nayiñiteguelta'.