Jeremías 38:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' so Sedequías 'naaco': —'Ue na iqolonaxa queso judioipi taugui na caldeoipi; no'm yaqajñi, ca' qa'viỹahic.

Jeremías 38:19 Iomraidhean Croise

Nehemías 4:1

Ca' so Sanbalat co'na' 'ue da la'xaỹaxac quiyim liỹa ño'xonqatecshiguim so nquepaqataxanaxat, ca' ro'o, paguec na lauel, ca' i'neetac so judioipi.

Jeremías 20:7

Qami' ỹa'gaxala', qami' yayiñi', chaqai ỹim ñañaanta quiyim yayiñi'; paguec da rquesaxanaxa'e', ca' yaqachiriñi. Naua'que naua na'xata' chi qayi'neetac; ná'ogue i'neetac aỹim.

Jeremías 38:22

Ca yá'ogue yi 'aallipi hueetaugui ñi 'imec lodegaxat lauo' so nashi quiyi Judá, ca qanaqata'a ma'le, ca' qoỹaanougui ma'le so lashillipi so nalliripi ñi nashi quiyi Babilonia. Ca' chaqaiyi yi 'aallipi 'naac ma'le: Sauá'maq paguec nauochaxaua' ñi qarashi ỹayine' ñi'maxare, ca' noxonec; ỹaxantegue quiyim naua lichil rollapi'teguelo quena nishaaxa, ca' quere'e reloqorec.

Jeremías 38:5

Ca' so nashi Sedequías 'naaco': —Hua', ỹa'maqachiguiñi 'viiquiñitac quecá'maq sham 'ñiita'gue. Ỹim qaica quet cá'maq shinac caqamiri.

Juan 12:42

Qam qaiyiita 'xoico' so judioipi huelec so Jesús, vire'ta ná'maq 'ue nqai'negue. Qam se nichoxoteta quena qom, ma' no'cha'a so fariseoipi, qaiyi se qaỹo'daauec cañi lapoxoqui.

Jueces 16:25

Ca' ỹaatqajam 'xoic da netoonaxac so qomyipi, ca rashiilaxanegue quiyim qanaueguec so Sansón, ma' ỹahotaque iualaxain. Ca' qanaqata'a cañi ncoñiitaxanaxaqui, ca qaỹaueguec, ca' qaiualaxaintac. Ime, ca nachajñi viichiguiñiguilo nqohine' saua dos nojnaxal sauá'maq nolliirañi so no'ueenaxanaxaqui.

1 Samuel 15:24

Co'na'le, ca' so Saúl 'naaco' queso Samuel: —Ajá'a, llic quiyim 'ue da ỹasauaxaset, ma' ỹim se ipaguigui nqaishin da la'qaatec ñi qara'gaxala' chaqai da rapaxaguinataxanaxaqui', ma' yo'cha'a na qomyipi, ca' ña'xaỹaxana quedá'maq ỹahotaque.

1 Samuel 31:4

Ca 'naaco' na'le queso lo'goxonaxat lo'o: —No'viiquirishiguim na lecachi', ca' ya'yirac, qaiyi mesqaina najo ỹalliripi chi nqouagaxaintacot na nqolac ná'maq yalauat, ca' yiualaxaintac. Qam so lo'goxonaxat lo'o se na'xaỹaxana, ma' no'chi. Ca co'na'le, ca' so Saúl no'viicshiguim so chi lecat, ca' nqa'paxanlec, ca' chi nalauatalta'.