Jeremías 38:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam no'm se nañaañi', ca' na caldeoipi ỹoiquentac ma'le najo na'a' lodegaxat, ca' copata'a ma'le, ca' qami' qaica ca nañitqachi'.

Jeremías 38:18 Iomraidhean Croise

2 Reyes 24:12

Ca co'na'le, ca' so Joaquín, só'maq nashi quiyi Judá, chaqai aso late'e, chaqai so la'gaxala' so nalliripi, chaqai na ỹalliripi npe'eeteripi, nañaanot so nashi quiyi Babilonia, ca noxonqaipi so'maxare. Ca' sojo hueetougui na' ỹovi' ocho ñaxari quiyim nashi so Nabucodonosor.

Jeremías 27:8

Chaqai no'm 'ue quena ỹoreta'oguit qomyipi loqo'm quena lashillipi mesqai neneequesenot ñi nashi Nabucodonosor, ca' ỹim souaxan sahote'e ca lauataq, ca nqopaaxa chaqai ca ne'ne', chi ỹovireto'o' quiyim ná'ogue hueeta'ñot da lquesaxanaxa ñi'maxare. Ỹim na'gaxala', se'taxajñi dajo ỹa'qaatec.

Jeremías 37:8

So caldeoipi liỹa rapil ma'le, ca lotqai queu'a na na'a' Jerusalén, ca' loxonec ma'le, ca copata'a.

Jeremías 38:23

Ca' so Jeremías ñaqai queetalec dá'maq ỹa'xatetac queso nashi: —Ná'ogue na 'aallipi chaqai na qachaalaxai'ipi qami' ỹashi qoỹaanougui ma'le na caldeoipi, chaqai qami' ỹashi se qarayichi' quena'maxare, ta'ta'a quiyim qoỹaanot qami' ma'le ñi nashi quiyi Babilonia. Ca' najo na'a' lodegaxat qaicopata'a ma'le.

Jeremías 38:3

Ñi qara'gaxala' 'naac: Najo na'a' lodegaxat noxonec ma'le quena nalliripi ñi nashi quiyi Babilonia. Ñi'maxare ỹoiquentac ma'le, ca' qaica ca ishit quepaxat.