Jeremías 38:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so Jeremías 'naaco' na'le queso Sedequías: —Ñi qara'gaxala' qaica lqalanec, ñí'maq qota'olec queso Israel, 'naac: No'm nañaañi' quena lashillipi na nalliripi ñi nashi quiyi Babilonia, qami' chaqai na qachaalaxai'ipi, ca' rca'llirec, ca' najo na'a' lodegaxat se qaicopata'a.

Jeremías 38:17 Iomraidhean Croise

Génesis 12:13

Ca qouaquiric, 'ñiraco' quiyim qami' ỹaqaỹa, qaiyi sqaican qohinegue aỹim, ca' se qayalauat sasougui qami'.

2 Reyes 24:12

Ca co'na'le, ca' so Joaquín, só'maq nashi quiyi Judá, chaqai aso late'e, chaqai so la'gaxala' so nalliripi, chaqai na ỹalliripi npe'eeteripi, nañaanot so nashi quiyi Babilonia, ca noxonqaipi so'maxare. Ca' sojo hueetougui na' ỹovi' ocho ñaxari quiyim nashi so Nabucodonosor.

2 Reyes 25:27

Ca na' ỹovirerec saua treinta y seis ñaxari, once shiriguiri, chaqai veintiseis na'xata' quiyim so nashi Joaquín ca'e nqohin yi Judá, viichigui na' nashi quiyi Babilonia so Evil-merodac. Ca so'maxare viichigui lauel quiyim i'xoren so Joaquín, ca naqatec cañi ncoñiitaxanaxaqui.

Esdras 9:4

Ca ná'maq no'chiitaque ca nouaxanaxaset quiñi qota'olec quena Israel queda lasauaxaset ná'maq mashic rapil quiyim na'ac, ná'ogue lapooguit aỹim. Qam ñaqaỹim ñqa'xantañi sa'lliita, chi ỹovireta'a ca laloqo' quiyim qaỹo'uet aca nachitaxanataxanqate queso avit.

Jeremías 27:12

Ỹim Jeremías liỹa sa'xat dá'ogue da la'qaatec ñi qota'olec quiñi Sedequías, ñí'maq nashi quena Judá, chaqai qai'neeta shinac quiñi'maxare: —'Guiñiỹot da lquesaxanaxa ñi nashi quiyi Babilonia chaqai quena lauo', qaiyi rca'lliiuec.

Jeremías 27:17

¡Totaxan na'xaỹaxañiỹa! 'Guiñiỹot ñi nashi quiyi Babilonia, qaiyi rca'lliiuec. ¿Negue' quet cá'maq 'neeta quiyim najo na'a' lodegaxat ñigui ca ladogoñi 'imqaipi qanopoxoỹaxajñi?

Jeremías 27:8

Chaqai no'm 'ue quena ỹoreta'oguit qomyipi loqo'm quena lashillipi mesqai neneequesenot ñi nashi Nabucodonosor, ca' ỹim souaxan sahote'e ca lauataq, ca nqopaaxa chaqai ca ne'ne', chi ỹovireto'o' quiyim ná'ogue hueeta'ñot da lquesaxanaxa ñi'maxare. Ỹim na'gaxala', se'taxajñi dajo ỹa'qaatec.

Jeremías 38:2

—Ñi qara'gaxala' 'naac: Cá'maq no'ueenañi quena na'a' lodegaxat, ca' ileu ma'le queca lauataq loqo'm quena lqopaaxa loqo'm quena ne'ne'. Qam cá'maq nañaañiguit ma'le ca caldeoipi, ca' nca'leuec.

Jeremías 44:7

Ca' chaqaida 'neeta ỹim na'gaxala' sqaica lqalanec, ỹim qota'olec queso Israel, shinac: ¿Chi'negue ma' 'viichii quiyim taalgoto qamiri sojo chalego lecaic la'aaxa? ¿Chi'negue ma' 'viichii quiyim ileu ná'ogue na qom quiyi Judá, ỹale, 'aalo, chaqai na noctoqui' chaqai vire'ta na chita'gue ne'qaañi, ca vire'ta qaica ca no'ueenañi?

Ezequiel 8:4

Ca' yi hueeta'ñi da lauaq ñi qota'olec quiyi Israel, ca' chaqaida 'neeta na' seuana queso quemarelec.