Jeremías 38:13 - La'qaatqa ñi qota'olec Qota'olec & Qota'olec Novita Na Qomyipi

¹³ Co'na'le, ca' saua ỹale' naviquishiguim so ñic, ca naqachishiguim so Jeremías cañi ni'ỹa. Ca na' ime dajo, ca' so Jeremías hueeta'ñi yi nasoxoc añi loma' na neloxoỹaripi.

Jeremías 38:13 Iomraidhean Croise

Génesis 37:28

Ca co'na' que'tegueyi so nemeenaxaiquipi, liỹa leenaxat Madián laseripi, ca' qanaqajshiguim so José cañi ni'ỹa quesaua lqaỹa', ca qaimen queso Ismael llaalqaipi, veinte ana chiróla chicqaugui ana plata lesega'a nqohin so José. Ca' qai'xategue da Egipto.

1 Reyes 22:27

'Ñiỹapegalo quiyim ỹim shinac quiyim qoỹanaugui añi ncoñiitaxanaxaqui, chaqai sqailligueme' qaiqui'ỹaxan, qainaata na pan chaqai na huaxaỹaq, toco' ma' yapil yo'ueenta.

Jeremías 26:16

Co'na'le, ca' so nashillipi chaqai so qomyipi 'naapega so netaxaỹaxanqajanqaipi chaqai so netaxaỹaxaquiripi: —Qaica quet cá'maq 'neeta quiyim qaỹalauat ñijo ỹale, ma' dá'maq ỹa'xat chicqo'ot ñi qara'gaxala' ñí'maq qota'olec coqomi'.

Jeremías 37:21

Ca co'na'le, ca' so nashi Sedequías relaataxanlec quiyim so Jeremías ncoñiiteguesec, qam chaqai hueeta'ñi yi nasoxoc so neloxoỹaripi, ca quiyi na'xa'a lotqai qaỹodou'a ca 'óna pan quena pan lo'ollipi. Ca' dajo qohinta'gue na' ñaqa 'ue na pan quiyi na'a' lodegaxat. Ca' chaqaida 'neetari' so Jeremías na' hueeta'ñi yi nasoxoc so neloxoỹaripi.

Jeremías 38:12

Ca' 'naapega: —Lli'ro'oto naua rishaaqatquichi', qaiyi se rcoñirqachichi' na ñic. Ca' so Jeremías chaqaida 'ne'tegue.

Jeremías 38:28

Ca' so Jeremías chaqai neeta'ñi yi nasoxoc yi la'a' so neloxoỹaripi, chi ỹovireta'a so na'xa'a na' noxonec yi Jerusalén. (39.1—41.18 Noxonec yi na'a' lodegaxat Jerusalén, ca' so qomyipi qai'xat quiyim na'aquipi. Qoỹaxanec so Jeremías, ca' so qomyipi rashiilaxan quiyim qanqouagaxainlec queso Jeremías.)

Jeremías 38:6

Ca co'na'le, ca' saua'maxare iconerelec so Jeremías, ca inaxari'ñigui aca li'ỹa so nashi llaalec Malquías, na'ñi yi nasoxoc yi neloxoỹaripi loma'. Qaỹahote'e so ñic na' qainaxañi. Qam ma' co'chiichigui aso ni'ỹa, ta'ta'a na nishaaxa, ca na' taañi so Jeremías, ca rollapi'tegue quiyi nishaaxa.

Hechos 23:35

ca 'naapego': —Ña'xaỹaxana qami' ma'le, ma' novi' cá'maq chicqaugui da ncoñiitaxaqui'. Ime, ca relaataxanlec quiyim qaỹauegueu'a cá'maq ñauapec lauo' ca nashi leenaxat Herodes, qam ỹa'ue so neloxoỹaq.

Hechos 24:27

Ca' mashic dos ñaxari 'neetari'o' dajo, ca so Félix totqai nashi, ca qalam so Porcio Festo nashi. Qam ma' so Félix ỹahotaque quiyim ỹa'maqachigui lauel nqai'en so judioipi, ca no'ueenaugui nqai'en añi ncoñiitaxanaxaqui so Pablo.

Hechos 28:16

Ca na' sovitaxa yi Roma, ca' so nouaataxanaq lashi ỹaano so ncoñiitecseripi queso neloxoỹaq cañi ncoñiitaxanaxaqui. Qam so Pablo qaỹoỹooteta'oga cá'maq chi la'a', ca' qaỹa'ue so 'oonoqui' nouaataxanaq le'ec reloqota'a.

Hechos 28:30

Qam so Pablo na'anyi quesaua dos ñaxari, ishiuetentac ca 'imec neetaugui, chaqai quelolta'piguit ná'ogue ná'maq ỹovira'a.