Jeremías 37:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca co'na'le, ca' so nashi Sedequías relaataxanlec quiyim so Jeremías ncoñiiteguesec, qam chaqai hueeta'ñi yi nasoxoc so neloxoỹaripi, ca quiyi na'xa'a lotqai qaỹodou'a ca 'óna pan quena pan lo'ollipi. Ca' dajo qohinta'gue na' ñaqa 'ue na pan quiyi na'a' lodegaxat. Ca' chaqaida 'neetari' so Jeremías na' hueeta'ñi yi nasoxoc so neloxoỹaripi.

Jeremías 37:21 Iomraidhean Croise

2 Reyes 25:3

Ca na' ỹovirerec saua tres shiriguiri chaqai ocho na'xata' queso liỹa ñaaxa, ca' ỹaatqajam 'xoic na nqopaaxa quiyi na'a'. Na qomyipi mashic qaica ca ỹa'ic.

Jeremías 20:2

ca' relaataxanlec quiyim qaỹouaxantac, ca' qaillaugui ñi ncoñiitaxanaxaqui quiñi liỹa nasom so Benjamín pa'aashiguim, na'deetaho quiñi no'ueenaxanaxaqui.

Jeremías 38:13

Co'na'le, ca' saua ỹale' naviquishiguim so ñic, ca naqachishiguim so Jeremías cañi ni'ỹa. Ca na' ime dajo, ca' so Jeremías hueeta'ñi yi nasoxoc añi loma' na neloxoỹaripi.

Jeremías 38:28

Ca' so Jeremías chaqai neeta'ñi yi nasoxoc yi la'a' so neloxoỹaripi, chi ỹovireta'a so na'xa'a na' noxonec yi Jerusalén. (39.1—41.18 Noxonec yi na'a' lodegaxat Jerusalén, ca' so qomyipi qai'xat quiyim na'aquipi. Qoỹaxanec so Jeremías, ca' so qomyipi rashiilaxan quiyim qanqouagaxainlec queso Jeremías.)

Jeremías 38:6

Ca co'na'le, ca' saua'maxare iconerelec so Jeremías, ca inaxari'ñigui aca li'ỹa so nashi llaalec Malquías, na'ñi yi nasoxoc yi neloxoỹaripi loma'. Qaỹahote'e so ñic na' qainaxañi. Qam ma' co'chiichigui aso ni'ỹa, ta'ta'a na nishaaxa, ca na' taañi so Jeremías, ca rollapi'tegue quiyi nishaaxa.

Jeremías 38:9

—Qami' ỹashi, 'anta dá'maq 'neetetegue sauajo ỹale' queso Jeremías se ỹa'maxañi. Ma' inaxari'ñigui añi ni'ỹa, ca' yí, hueeta'ñigui ileuetac quena lqopaaxa, ma' qaica ca pan quenajo na'a' lodegaxat.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

Hechos 12:5

Ca' so Pedro ỹaatqajam qareloxoỹa'a cañi ncoñiitaxanaxaqui late'ogue' qoỹantaugui, qam só'maq shi'gue ỹacoñiguit da na'qaatec lama'xa ỹaatqajam nqouagaxaintalec so'maxare quiñi qota'olec.

Hechos 24:27

Ca' mashic dos ñaxari 'neetari'o' dajo, ca so Félix totqai nashi, ca qalam so Porcio Festo nashi. Qam ma' so Félix ỹahotaque quiyim ỹa'maqachigui lauel nqai'en so judioipi, ca no'ueenaugui nqai'en añi ncoñiitaxanaxaqui so Pablo.

Hechos 28:16

Ca na' sovitaxa yi Roma, ca' so nouaataxanaq lashi ỹaano so ncoñiitecseripi queso neloxoỹaq cañi ncoñiitaxanaxaqui. Qam so Pablo qaỹoỹooteta'oga cá'maq chi la'a', ca' qaỹa'ue so 'oonoqui' nouaataxanaq le'ec reloqota'a.

Hechos 28:30

Qam so Pablo na'anyi quesaua dos ñaxari, ishiuetentac ca 'imec neetaugui, chaqai quelolta'piguit ná'ogue ná'maq ỹovira'a.

Efesios 4:1

Ca' vichiguiño' saqatalo qamiri quiyim na'maxachita ma' mashic qaroỹaxanalo qamiri quiñi qota'a, ma' qaycoñiretari', sasouetapigui so qara'gaxala'.

Efesios 6:20

Ma' ñi qota'a yila' ma' ỹauaaque aỹim letaxaỹaxanqajnec quiyim sa'xat dajo na'qaatec. Ca' chaqaida dá'maq 'em qaycoñiretari' nagui. Ca' nqouagaxaiñitalec aỹim ma'le, qaiyi se yo'chaalec ma' sa'xat da na'qaatec.

2 Timoteo 1:8

Vichiguiño' se rpocoqoirelec quiyim 'xachisac so qara'gaxala' Jesús, chaqai se rpocoqoirelec aỹim quiyim qaycoñiretari', sasoualec so'maxare. Ta'ta'a quiyim lliquirau'a ca ne'xoric quiyim sohiralec da na'qaatec chicqaugui da nca'laxa, quecá'maq taachi'ñi da rquesaxanaxa'e' chicqo'ot ñi qota'a.

2 Timoteo 2:9

Ca' chaqaida dá'maq 'em ña'ñaxachiguit da i'xoric, ca' chi ỹovireta'a quiyim qaycoñiretari', qohinta'gue quiyim 'ec aỹim 'xoic ca ỹasauaxaset. Qam da la'qaatec ñi qota'a se ncoñiretari'.