Jeremías 37:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' so Jeremías qai'neeta inat so nashi Sedequías: —¿Negue' cá'maq se no'uen so'uet caqami', loqo'm quena rotauachi'ipi, loqo'm quena qomyipi quiyim qayillaugui ana ncoñiitaxanaxaqui?

Jeremías 37:18 Iomraidhean Croise

Génesis 31:36

Ca' so Jacob ro'o' na'le, ca 'naaco' queso Labán: —¿Negue' cá'maq ỹo'maxaset? ¿Negue' cá'maq ỹasauaxaset, ma' ỹaatqajam yocañi'sac?

Jeremías 26:19

Ca' so nashi Ezequías chaqai sá'ogue so qomyipi quena Judá, ¿'uo' ca 'ne'tegue na'le so Miqueas? 'E', ta'ta'a quiyim so nashi 'ue da lqolonaxa quiñi qara'gaxala', ca' rashiilaxan quiyim qanqouaguegue so qomyipi. Ca' ñi qara'gaxala' se nela' só'maq ỹahotaque taalec nqai'en. Ca' ¿qomi' sahoqotaco' quiyim ñiỹoxosqalta' queda chalego lecaic nasauaxaset?

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Juan 10:32

Ca' so Jesús 'naaco': —Ỹim ỹaatqajam 'xoic ná'maq so'uet ỹa'maqachiguiñi, huañichigui qamiri, sachigoxochichigui da lquesaxanaxa ñi ita'a. Ca ¿negue' cá'maq sasoualec quena'maxare quiyim viitaque yinaxahi quena qa'?

Hechos 23:1

Ca' so Pablo co'na' idaanaugui so nashillipi, ca 'naaco': —Qamiri ỹaqaỹarolqa, ñaqai queeta quiyim qaica ca ño'uenegue ỹasauaxaset quiñi qota'olec, chi ỹovireta'a najo na'xa'a.

Hechos 24:16

Vichiguiño' yiuogoq quiyim qaica ca ñauataque ỹasauaxaset quiñi qota'olec chaqai quena qomyipi.

Hechos 25:11

Qam no'm 'ue ca ỹaatqajam 'chichiguiñi ỹasauaxaset ñigui ca nelauaxa, ca qaica 'negue quiyim qayalauat. Qam no'm qaica quet cá'maq llic quená'ogue ná'maq qaimaqatapiguilec, ca' qaica quet cá'maq ishit quiyim yayaanougui na judioipi. Vichiguiño' 'ue da ỹashiilaxanaxac quiyim chaqaica ca nashi quiyi Roma yimit quiyim ỹaatqajam 'uo' ca ỹasauaxaset.

Hechos 25:25

Qam caỹim 'eco' sqaica cá'maq ỹaatqajam 'chichiguiñi quet lasauaxaset quiyim ñigui ca lelauaxa; qalaxam chaqaiñi rashiilaxan quiyim qaimit queca lasauaxaset queca qarashi Augusto. Ca sahotaque selata ca'maxare.

Hechos 25:8

Ca' so Pablo 'naaco': —Aỹim qaica quet cá'maq ỹasauaxaset. Ma' se ñpa'guenta'pegue' na nelaataxaquipi na judioipi, chaqai añi no'ueenaxanaxaqui quiyi Jerusalén, chaqai ca nashi neeta'ñi yi Roma.

Hechos 26:31

Ca tare'oguiyi, ỹahosaque retaxairapigui dajo. Ca na' retaxaỹata', 'neraco': —Ñi ỹale qaica cá'maq lasauaxaset cá'maq ñigui quet quiyim qaỹalauat, vire'ta quiyim se qaicoñiretari' quet.

Gálatas 4:16

Ca' nagui, ca ¿'eco' qamiri ñpa'guenaxaua', quiyim ỹaatqajam llic dá'maq shinac caqamiri?