Jeremías 37:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' saua'maxare ro'ỹita so Jeremías, ca relaataxandelec quiyim qaỹouaxan chaqai qaicoñi' quiyi la'a' so Jonatán, só'maq lere lo'o, ñi lauo' ñigui nqohin quiyim ncoñiitaxanaxaqui.

Jeremías 37:15 Iomraidhean Croise

Génesis 39:20

Ca' iconlec so José, ca relaataxanlec quiyim qaicoñi', qoỹanaugui añi ncoñiitaxanaxaqui ñí'maq neetaugui so lcoñiitecseripi so nashi. Qam cañi ncoñiitaxanaxaqui

Jeremías 26:16

Co'na'le, ca' so nashillipi chaqai so qomyipi 'naapega so netaxaỹaxanqajanqaipi chaqai so netaxaỹaxaquiripi: —Qaica quet cá'maq 'neeta quiyim qaỹalauat ñijo ỹale, ma' dá'maq ỹa'xat chicqo'ot ñi qara'gaxala' ñí'maq qota'olec coqomi'.

Jeremías 37:20

Ca' nagui qami' ỹashi, ñaq na'xaỹaxañirañi, ca 'viichi' dá'maq sashiilaxantaque sa'xat nagui. Totaxan yopilaxachira'a yi la'a' so Jonatán só'maq lere lo'o. 'Ase' no'm yileua'anyi.

Jeremías 37:4

So Jeremías saqa' ỹaatqajam qaicoñi', ca' so'maxare ñaq ỹouootegueri', ỹouootapigui so qomyipi.

Jeremías 38:26

Qam qami' 'ñiraco' quiyim chi yashiila'isac tot selachira'a yi la'a' so Jonatán quiyim rillivira'ñi.

Jeremías 38:6

Ca co'na'le, ca' saua'maxare iconerelec so Jeremías, ca inaxari'ñigui aca li'ỹa so nashi llaalec Malquías, na'ñi yi nasoxoc yi neloxoỹaripi loma'. Qaỹahote'e so ñic na' qainaxañi. Qam ma' co'chiichigui aso ni'ỹa, ta'ta'a na nishaaxa, ca na' taañi so Jeremías, ca rollapi'tegue quiyi nishaaxa.

Mateo 21:35

Qam so 'ueenataxanaxairipi iconlgoto saua nelaatqa. Ca 'vio' saua ỹouaxanta'pe, chaqai saua liỹa', ca qaỹalauate', chaqai saua liỹa', ca' inaxai', ỹodoota'a na qa'.

Mateo 23:34

Ca' vichiguiño' ñila' ma'le ca itaxaỹaxanqajanqaipi chaqai ca 'deenaxanqachaqaiquipi chaqai ca napaxaguinataxanaripi. Qam qamiri 'ue ca lauachii chaqai pachiñiho ma'le quecaua'maxare, chaqai caua liỹa' ca huaxañita'pe quenaua rapoxoguii, chaqai 'ue na ocañitac quenaua na'aate'.

Lucas 22:64

Ca qaỹapoguilo naua nqote' so'maxare, ca' qaỹouaxañigui na lashic, ca' qohinac: —¡Ñaqa 'xachi' negue' ca rouaxañi'!

Juan 18:22

Ca co'na' so Jesús 'naaco' dajo, ca' so nouaataxanaq le'ec ỹalequetaho ma' neloxoỹaq cañi no'ueenaxanaxaqui, ỹouaxañigui na lashic so Jesús. Ca 'naaco': —¿Dajo 'ñirac quiyim pilaxachichiguit da la'qaatec ñi lashi na netaxaỹaxanqajanqaipi?

Hechos 5:18

Ca' qaiconlgoto saua lelaatqa so Jesús, ca qaicoñite', qoỹandaugui añi ncoñiitaxanaxaqui late'ogue'.

Hechos 5:28

—Qomi' sqaica ma' sa'maxarenaq quet quiyim paxaguinataxañita'pegue da leenaxat so Jesús. Qam ¿negue' dá'maq 'viichitac? Mashic no'xataxachiigui ná'ogue na Jerusalén quedá'maq rapaxaguinataxanaxaguii qamiri, chaqai viitaque pataxailgoto qomi' quiyim qarasauaxaset da lelauaxa so ỹale.

Hechos 5:40

Ca sá'ogue so qomyipi chaqaida nqai'en da la'qaatec so Gamaliel. Ca qaroỹaxane'ogalo saua Jesús lelaatqa, ca qaỹouaxane', ca' qaỹaqatalo quiyim tot liỹa ỹa'xate' da leenaxat so Jesús. Ime, ca' qoỹaxandec.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.