Jeremías 36:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so Baruc ỹo'uet dá'ogue dá'maq qohinapega queso netaxaỹaxaqui Jeremías, ca' quepegue' ñi no'ueenaxanaxaqui, ca' retaqalec da la'qaatec ñi qara'gaxala'.

Jeremías 36:8 Iomraidhean Croise

Nehemías 8:3

Ca' retaqalec queso nete'eta, chi ỹovireta'a so na'xa'a lavinñi, reloqotaho nqai'en sá'ogue, quiyi naloote'oga ñi huaxaỹaq nasom. Sá'ogue so qomyipi ỹaatqajam na'xaỹaxanchiguiñi na' qaretaqalec aso lere hueetalec so naqataxaquipi.

Jeremías 1:17

Ca' nagui, ca' qami' na'ñaxachi', ca 'ñirapega ná'ogue ná'maq sa'xat ma'le caqami'. Totaxan ro'chita, ma' no'me', ca' ỹim i'loxol nqaishin qami' ma'le ma' vichita yi'maxare.

Jeremías 36:4

Co'na'le, ca' so Jeremías roỹaxana so llaalec so Nerías, leenaxat Baruc, ca 'naapega quiyim ỹiriñi dá'ogue dá'maq 'naac ñi qara'gaxala', ca' so Baruc ỹiriñi caso lere.

Jeremías 36:6

Vichiguiño' qami' qui'o' ma' ipalata'oga ca na'xa'a nqopaaqataxaqui na qom, ca taqairelec ná'maq selachirelec 'chiriñi, qaiyi 'xaỹa da la'qaatec ñi qara'gaxala' na qomyipi chaqai ná'ogue na noviro chicqa'ogalo naua na'aate' quiyi Judá.

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

1 Corintios 16:10

Ca no'm ỹovitalo qamiri ca Timoteo, nquipichiỹa'pegue' quiyim ỹa'maqachiguiñi nqai'ñii quiyim neetauguilo qamiri. Qaica ca huapigui lauel nqai'ñii, ma' ca'maxare qai'neeta ro'ueenataxantac queda lo'ueenataxanaxac so qara'gaxala', 'nejem aỹim.