Jeremías 36:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' so Elnatán, so Delaía chaqai so Gemarías ne'xoresentetot so nashi quiyim se copata'a aso lere, qam so'maxare se na'xaỹaxan.

Jeremías 36:25 Iomraidhean Croise

Génesis 37:22

Sqai coraxachiỹa'pe caua neuo'. Ta'ta'a quiyim naxai'ñigui añi ni'ỹa quena 'laua qaica qom, qam qaica cá'maq 'ñii'tegue da'maxare. So Rubén 'naaco' dajo, ma' ỹahotaque nca'laxatec so lqaỹa. Ime, ca' ỹopilaxateu'a so leta'a.

Jeremías 26:16

Co'na'le, ca' so nashillipi chaqai so qomyipi 'naapega so netaxaỹaxanqajanqaipi chaqai so netaxaỹaxaquiripi: —Qaica quet cá'maq 'neeta quiyim qaỹalauat ñijo ỹale, ma' dá'maq ỹa'xat chicqo'ot ñi qara'gaxala' ñí'maq qota'olec coqomi'.

Jeremías 26:22

Ca' so nashi ilategue da Egipto so llaalec so Acbor, leenaxat Elnatán, chaqai saua liỹa' ỹale'.

Jeremías 36:10

Ca' so Baruc quepegue' yi paguec pa'aauo nasoxoc añi no'ueenaxanaxaqui quiyi ñigo quiñi qaỹamata'gue dalaxaic lasom, ca' quiñi lauo' so Gemarías só'maq llaalec so Safán, só'maq lere lo'o, ca retaqalec aso lere hueesalec saua la'qaatqa so Jeremías, 'qaatac nqai'en sá'ogue so qomyipi.

Jeremías 36:12

Ca' quepegue' yi la'a' so nashi quiñí'maq lauo' so lere lo'o, neetaugui lapoota'ta' sá'ogue so nashillipi: Elisama só'maq lere lo'o; Delaía só'maq llaalec so Semaías; Elnatán só'maq llaalec so Acbor; Gemarías só'maq llaalec so Safán; Sedequías só'maq llaalec so Hananías, chaqai so liỹa nashillipi.

Mateo 27:4

Ca 'naaco' quesaua'maxare: —Ỹim 'ue da ỹasauaxaset, ma' saañiguit da lelauaxa so ỹale qaica ca ỹasauaxat. Qam saua'maxare 'neraco': —Dajo coqomi' ¿negue' quet cá'maq 'negue? Ma' ¡dá'maq dajo chi rasauaxashichi'!