Jeremías 31:9 - La'qaatqa ñi qota'olec Qota'olec & Qota'olec Novita Na Qomyipi

⁹ Naqueta nqouagaxainta'guit chaqai noỹenta'guit. Ỹim sauega yi huaxaỹaq ne'paxantashiguim, queso nayic nalo'ojta', ca' qaica ca repoxolaxan. Ma' ỹim leta'a so Israel, chaqai so Efraín só'maq ỹi ỹaalec.

Jeremías 31:9 Iomraidhean Croise

Salmos 107:7

Ime, ca' ỹachaxañi'ñigui so no'uen nayic taỹau'a yi na'a' ma' ỹahotaque quiyim na'ñi.

Salmos 23:2

Yco'mataxanaxanec quenaua lo'ualqate' na 'uaqapi, chaqai yauega ná'maq hua'ñi na huaxaỹaq se reda queso ñaachi,

Isaías 43:20

Yimaqachin ma'le na iseripi hueuec, na nouaxaỹaxallipi chaqai na mañiguiripi, ma' ne'paxanshiguim nqaishin ca huaxaỹaq quiyi 'laua qaica qom, so'uet aca lachiugue hua'ñi yi 'laua rashivijlec, sahotaque ni'chigui na ỹalamaxaret ica'acseripi,

Isaías 45:11

Ñi na'gaxala' ñí'maq qota'olec co'teeta quiyi Israel, ñí'maq ỹa'maxajñi qami', 'naac: Qaica quet cá'maq 'neeta quiyim yinachi' negue' cá'maq ỹo'uet ca ỹaalec, loqo'm yapaxaguiñi' quecá'maq shinta'gue ca ỹo'ueenataxanaxac.

Isaías 63:16

¡Qami' ná'maq qami' qareta'a! 'Eno'm so sachigoxosoxougui Abraham 'ec ỹora'alo nqai'ne' qomi', chaqai so laual Israel se ỹo'leenta'alo qomi', qam qami' qara'gaxala', qami' ná'maq qami' qareta'a; chaqai shi'gom se neme quiyim 'ootaxañiseguelgoto qomi'.

Isaías 64:8

Qam qami' ná'maq qami' qareta'a; qomi' nauá'maq qomi' nishaaxa, ca' qami' ná'maq qami' no'xonaxanaq; ¡qomá'ogue qomi' ro'ueenataxahi'!

Oseas 3:5

Ca ma' ime dá'ogue dajo, ca' rapil na Israel llaalqaipi, ca' idaanaque ñi la'gaxala' ñí'maq qota'olec quena'maxare chaqai so David só'maq lashi. Quenaua co'uaataxante' na'xata' ỹaatqajam neuogoq quepegue' ñi qara'gaxala' chaqai ná'maq na'maxa ỹaantauec ñi'maxare. (4.1—5.7 Ñi qara'gaxala' retaxaỹa chaqai ỹadentalec yi Israel. So Oseas qata quiyim le'en na nashiilec nqolaquipi.)

Malaquías 2:10

¿Ca mesqai 'oonoqui'o' cá'maq sachigoxosqaugui qareta'a, ca chaqaiñi ñi qota'olec ñí'maq qomá'ogue qomi' lo'ueenatqaipi? Ca' ¿chi'negue ma' chi ñayinqatecta', ca' seualaxainqatac da 'deenaxac ỹo'ueeto' na'le ñi qota'olec queso 'auaxaic qareta'allipi?

Mateo 3:3

Ca' sojo Juan chaqaiso' so 'neetapego' na'le so letaxaỹaxanqajnec ñi qota'a leenaxat Isaías co'na' deraxan, 'ne'teguesa': 'Ue so qara'qaataque qom lavillaxac, 'maqateguelec yi 'laua qaica qom, ca' so laualaxac 'neetasa': “'Maxachiñi ca nayicyaxac ñi qara'gaxala'; ỹaatqajam ỹalamqata nqai'ñii ca llic.”

Mateo 5:4

Ỹaatqajam chalego la'maxa ma'le cá'maq 'ue ca lachicoxo, ma' ñi qota'olec ỹa'maxagui lauel nqai'en ca'maxare.

Mateo 6:9

Ca ma' nqouagaxaiñii, ca 'ñiỹaco'sa': Qami' qota'olec ma' ñiiso'ot na piguim, qaimaqachin dá'ogue da qadeenaxachi'.

Lucas 6:21

Chaqai qai'neeta ra'maxaichiguiñi qamiri ma' viitaugui nagui quiyim rqopachii, ma' ỹaatqajam 'ue ma'le ca rquemaraxahi. Chaqai qai'neeta ra'maxaichiguiñi qamiri ma' noỹeñitagui nagui, ma' ỹaatqajam 'ue ma'le ca raỹalliguiriguii.

Romanos 8:26

Ca' qaican ỹapaguec so Espíritu Santo qai'neeta qarotauan quiyim qaica ca qarquesaxanaxa. Ma' se sa'deenaq ca shinqa'tegue ca qanqouagaxainaxac. Qam chaqaiso so Espíritu Santo rashiilaxanlgoto qomi' quiñi qota'a, qam naua lashiilaxanaxaco so'maxare ỹaatqajam se qaishit qaỹa'xate' naua leloxoỹaxaco.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.

Hebreos 12:13

chaqai daañiỹaque so nayic ỹalamqata, qaiyi imeuec cá'maq nipia' se ra'ñiigue chaqai tot liỹa namaqatari'.

Hebreos 12:23

lapoota'ta' imaqachintac ñi qota'a, chaqai ná'maq lapoota'ta' llaalqaipi ñi qota'a ná'maq qoỹeretañi queda piguim. Ca mashic nqo'ñiu'a ñi qota'a ñí'maq imit ma'le ná'ogue, chaqai ná'maq lqui'illipi na qom huagaxaraic, ná'maq nachinñi nqohin quiñi qota'a.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.

Apocalipsis 7:17

Ma' ñí'maq qagreta llaalec ñí'maq neetañigui na lavinñi yi nashi nqa'xanqa', ñi'maxare reloqota'a 'neeta'gue aca qagreta, chaqai ỹauega ca hua'ñi na ne'paxantashiguim huaxaỹaq chicqaugui da nca'laxa. Chaqai ñi qota'olec nquiỹouec ná'ogue na lachiripi quenaua nqote' na'maxare.