Jeremías 31:8 - La'qaatqa ñi qota'olec Qota'olec & Qota'olec Novita Na Qomyipi

⁸ Yapilaxat quiyi 'laua queda rapiguim, chaqai llapoonta' quenaua'que naua lahil na 'laua. Quena'maxare liỹaatac ma'le na qai'laqaipi chaqai na ni'iraho naua lichil, ana 'aalo 'manaxai chaqai aná'maq mashic shi'gue co'o; ¡ỹaatqajam lecauguíi ma' rapil!

Jeremías 31:8 Iomraidhean Croise

Salmos 107:3

ná'maq lapoonta' na'le quena liỹa na'aateripi, ỹachigoxota'gue da rapiguim chaqai da 'guiñi, da lqodoigue chaqai da lauashiguim.

Salmos 98:3

ỹaatqajam se coua'e da le'xorenataxanaxa chaqai da laqamaxa quena llaalqaipi so Israel. ¡Qaiuana quenaua'que naua lahil na 'laua quiyim rauegaxan ñi qota'olec coqomi'!

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Isaías 43:6

Shinapega ma'le da rapiguim: Rapilaxachi', chaqai shinapega da 'guiñi: Mese nolli'rañi naua'maxare. Nodo'e' na ỹaalqaipi chaqai na ỹaallipi quenauá'maq qoỹoqo'teguelo lahil na 'laua.

Isaías 45:22

Nahiquena, qaiyi ñca'laxaterec qamiri ma'le, qomyipi quenaua lahil na 'laua, ma' ỹim qota'olec, ca' qaica ca liỹa.

Isaías 52:10

Ñi qara'gaxala' ỹachaxan da co'teeta lquesaxanaxa, ca' qaiuanchigui quená'ogue na ỹoreta'oguit qomyipi. Ca' quená'ogue na 'laua qaỹa'den ma'le quiyim ñi qota'olec nca'laxaterec qomi'.

Jeremías 29:14

Ajá'a, ỹim saxanegue quiyim qamiri nachiua' ma'le, ca' so'uet quiyim nadalaxachii: ñaqata'alo qamiri ma'le quená'ogue na ỹoreta'oguit qomyipi quenaua'que naua na'aate' selariigue neuagaxachitajlec. Ca' llapoonta' chaqai so'uet quiyim rapillii quenajo ná'maq hua'ñi na' qai'xate' qamiri. Ỹim na'gaxala', se'taxajñi da ỹa'qaatec.

Ezequiel 34:12

Shintari' cá'maq neloxoỹaq quelola aca leloxoiqateguese quena' neuagaxatetajlec, ca' chaqaida shintari' squelola ana ilo qagreta; yapilaxat quená'maq hueeta'ñi neuagaxatetac queso na'xa'a napalñi sauaxat so nonot quesaxanaxaic.

Ezequiel 34:13

Ñaqata'a quena ỹoqa'a 'laua neetalec, llapoonta', ca' se'xategue dá'maq chi la'a'. Semaxague yaua lqui'ỹaaqate' quenaua qa' ladocahi quiyi Israel, chaqai quena ñaachi, chaqai quenaua'que nauá'maq qoyintalgoto quiyi 'laua.

Ezequiel 34:16

Sedaanaque ma'le aná'maq qagreta na'laañi, ño'deuo aná'maq ỹo'maauec, aná'maq qagaxai sa'ue ca laxa' na lichi, sotauan aná'maq ỹolaaueta, chaqai scochiỹa aná'maq no'ueenta chaqai 'uegaxasaxa. Ca' ỹim ná'maq ỹaatqajam scochiỹa ma'le.

Zacarías 2:6

Ñi qara'gaxala' i'taxajñi da la'qaatec: Ỹim so'uet quiyim qareuagaxachitac quenaua'que naua lahil na 'laua. Qam nagui shinac caqamiri: ¡'Iichii, nanalochaxañii quena 'laua queda rapiguim, leenaxat Babilonia, quená'maq ỹoqa'a 'laua ñiitalec qamiri nauá'maq ñiitalec na'le yi Sión! Ỹim na'gaxala', se'taxajñi da ỹa'qaatec.

Mateo 12:20

Chaqai vire'ta se ỹaqaguit aca noqola late'e quiyim namaxagui, chaqai se ỹo'mat ca ncoỹeraxanaxat quiyim chi nichitashiguim, chi ỹovireta'a quiyim ỹa'yiñi dá'maq ỹa'maqachiguiñi lo'ueenataxanaxac.

Juan 21:15

Ca co'na' ime so lqui'ỹaxague', ca' so Jesús inato' so Simón Pedro: —Qami' Shimoñi', qami' llaalec so Jonás, ¿paguec rqo'chita aỹim quenauajo? Ca' so Pedro 'naaco': —Ajá'a, qami' ỹa'gaxala', qami' 'yiiñi' quiyim yqo'chiraxaua'. Ca 'naaco' so Jesús: —Cha'regue quelollita na ilo qagreta llaalqaipi.

1 Corintios 8:10

Saloqojnaxana qami' quiyim ỹaatqajam 'yiiñite' dajo, ca no'm nqa'xañiriñi qui'i' quecá'maq hua'ñi ñaqai qaimaqachintac ca nashiilec nqolac, ca no'm 'ue ca qarqaỹa iuaneta'a qami' quená'maq saqa' ra'ñi da lpi'ỹaxac, ca' nahi ỹa'ñaxachigui lauel qui'ỹapogo queca na'ic mashic qoỹaanot ca nqolac.

1 Tesalonicenses 5:14

Qai'neeta saqataxalo qamiri qarqaỹa' quiyim ỹaatqajam 'ñiỹapega ná'maq se nqo'ta ro'ueenataxan, chaqai 'ñaxachii ná'maq se ra'ñiigui na lauel, chaqai tauañii na se ra'ñi da lpi'ỹaxac, chaqai quiyim neualaxaviñi'te' ná'ogue na qomyipi.

Hebreos 12:12

Vichiguiño' qamiri na'ñaxate' nqai'ñii naua rqai'laqachiri mashic nco'terec chaqai naua re'cootallii mashic tot ra'ñiiguelo,

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.